影片
更多
2023-04-11
66 浏览
同捞同煲 📍九龙城打鼓岭道70-72号地舖 🌄环境 成个感觉都好70年代怀旧香港风格，牌匾嘅霓虹灯，入面嘅怀旧海报、灯、墙纸等，都好有feel，好适合打卡！ 🧡食物 🍲 冬甫美人锅 $228 呢个汤一上嚟就feel到有料，当中有冬瓜、红枣、娃娃菜、虫草花、淮山同半只鸡，好足料，而个汤成个呈现金黄色嘅，入口好鲜甜好好饮，我同几个朋友都饮左两三碗之后先开始碌嘢食，建议第一轮嘅时候饮多几碗先，加汤之后先开始碌嘢食，因为加汤之后会淡好多~ 推荐度：😋😋😋😋😋 🥩 安格斯牛肉 $198 几大份，花纹好靓，好新鲜嘅，属于比较厚切，所以口感几好，好嫩滑~碌两下就可以食得，好好食！ 推荐度：😋😋😋😋 🦐 鸳鸯滑 $108 系蟹籽虾滑同黑松露墨鱼滑，两者都保留咗啲虾粒同墨鱼粒，食落扎实而鲜甜嘅滑当中，夹杂住啲好爽脆嘅粒粒，好正，我比较钟意墨鱼滑多啲，因为佢嘅黑松露同墨鱼融合得好啲，但系虾滑嘅话，因为蟹籽喺面，所以落煲嘅时候有啲跌咗出嚟，变相融合得唔系几好，但系两样都好食嘅，feel到系新鲜嘅，我推
📍九龙城打鼓岭道70-72号地舖 🌄环境
成个感觉都好70年代怀旧香港风格，牌匾嘅霓虹灯，入面嘅怀旧海报、灯、墙纸等，都好有feel，好适合打卡！
🧡食物
🍲 冬甫美人锅 $228
呢个汤一上嚟就feel到有料，当中有冬瓜、红枣、娃娃菜、虫草花、淮山同半只鸡，好足料，而个汤成个呈现金黄色嘅，入口好鲜甜好好饮，我同几个朋友都饮左两三碗之后先开始碌嘢食，建议第一轮嘅时候饮多几碗先，加汤之后先开始碌嘢食，因为加汤之后会淡好多~ 推荐度：😋😋😋😋😋
🥩 安格斯牛肉 $198
几大份，花纹好靓，好新鲜嘅，属于比较厚切，所以口感几好，好嫩滑~碌两下就可以食得，好好食！ 推荐度：😋😋😋😋
🦐 鸳鸯滑 $108
系蟹籽虾滑同黑松露墨鱼滑，两者都保留咗啲虾粒同墨鱼粒，食落扎实而鲜甜嘅滑当中，夹杂住啲好爽脆嘅粒粒，好正，我比较钟意墨鱼滑多啲，因为佢嘅黑松露同墨鱼融合得好啲，但系虾滑嘅话，因为蟹籽喺面，所以落煲嘅时候有啲跌咗出嚟，变相融合得唔系几好，但系两样都好食嘅，feel到系新鲜嘅，我推荐唔好点豉油食，更加食到鲜甜嘅感觉 推荐度：😋😋😋😋😋
🥟 芋头腊味饺 $88
呢个比到惊喜我，我想嗌嘅时候我frd仲阻止我，觉得会伏，但系我一意孤行！点知真系几好食，入面有啲芋泥同腊肠粒，好正，成个饺子都充满腊肠嘅香味，腊肠碌完之后变到好稔，成个口感好夹，味道特别得嚟，feel到店家系有谂过先推出嘅，好有心！ 推荐度：😋😋😋😋😋
🎏 shake shake手工炸鱼皮 $78
呢个几有趣，系好似m记咁俾包shake shake粉你，然后自己shake，包粉系芝士粉嚟，唔够嘅话可以再攞，我会推荐就噉食多啲，噉样先食到𠮶浸芝士味，但系因为我哋摆咗一阵先去shake，所以唔够痴粉，芝士味比较淡，所以记住一上台就shake咗佢先啦，但系都好食嘅，好酥脆，几有趣！ 推荐度：😋😋😋😋
🍤 怀旧虾多士 $68
呢个真系好耐无食过啦！睇个样都觉得好食，面包系炸到已经酥晒脆晒，虾肉又十分弹牙，好食！ 推荐度：😋😋😋😋
🔥 即炸响铃 $58
新鲜嘅即炸响铃就系可以即刻食，佢喺牙齿掂到佢嘅瞬间就摧枯拉朽咁化成碎屑，唔夸张，极度脆，豆香又好浓，建议一半攞嚟就噉食，一半攞嚟碌，好正！！！！ 推荐度：😋😋😋😋😋
🧀 香浓芝士豆腐 $38
好香嘅芝士味，但系要小心辣亲！ 推荐度：😋😋😋
🐝 蜂巢豆腐 $38
豆香同香浓嘅汤一齐真系无敌嘅，好好食！
推荐度：😋😋😋😋
🍜 红薯粉 $38
最吸汤嘅红薯粉，碌几分钟就食得，好满足！
推荐度：😋😋😋😋
💙 甜品
准备埋单嘅时候，店家同我哋讲有送甜品，真好！
🪼 啫喱 送
有种返到去童年嘅感觉，甜甜地好有童趣，几清爽！ 🍬 怀旧糖不甩 送
糖不甩系鲤鱼形状嘅，好可爱，碌两下就食得，夹出嚟剪成一旧旧，点花生碎，我细个妈妈经常整嚟食，估唔到今日可以系打边炉店入面重返童年，开心！ 💛 题外话
我frd唔小心碌到只手，同个店家讲嘅时候佢即刻攞咗一支全新嘅药膏塞比我frd叫佢搽，又攞一支好大嘅药膏叫佢而家搽咗先，好好人！仲时不时过嚟帮我地加水、帮我地剪糖不甩，好热情，怀旧风格嘅店好多，但系有几何做到以前香港𠮶种人情味？呢啲先系真正嘅怀旧！
张贴
