影片
更多
2021-12-08
85 浏览
九龙城除咗食泰国嘢之外，原来仲有呢间新开业嘅厨师发办omakase 「鮨胜」。想食嘅话最好就要预订，否则遇上包场就可能冇得食㗎喇～我系晚市光顾，总共有三个唔同嘅set，我就拣咗「秀」$1280/位，包含前付、刺身5品、蒸物、季节料理、寿司6贯、蒸蛋、汤同埋甜品，一共18款精致嘅料理，劲丰富😋慢煮安康鱼肝安康鱼肝被誉为海中鹅肝，口感软滑，入口即溶，上面加咗Wasabi同埋青柠，味道好有层次感。花笑蟹肉上面配上苹果醋啫喱捞埋啖啖蟹肉食，又酸又鲜，好开胃！生蚝 日本蚝大大只，好肥美，上面加咗鲜茄萝卜蓉同埋酱汁，夹埋一齐饮咗佢，入口爽口鲜甜。熟成两星期拖罗上面加左芥末籽，仲烧左个皮，面头有少少焦香，油份十足！烟熏拖罗春鱼个皮火炙过带有少少焦香，配搭腌制洋葱丝，开胃之选。烧秋刀鱼入面包裹左少少炸蒜，香脆有咬口，味道香浓好惹味！金鲷松粒扬非常特别嘅一款炸物，热辣辣小心辣嘴，最特别之处系鱼鳞都食得，鱼味浓郁又嫩滑，配搭喜马拉雅山岩盐同埋青柠汁，增加味道层次。六款寿司🍣深海池鱼寿司加左少少蜂蜜汁柠檬皮芽葱，鲜味十足。牡丹虾寿司加左柠檬汁同埋蛋黄醋，仲配搭食用花，好睇又好食😋鲭鱼米纸卷个人好喜欢嘅一款菜
慢煮安康鱼肝
安康鱼肝被誉为海中鹅肝，口感软滑，入口即溶，上面加咗Wasabi同埋青柠，味道好有层次感。
花笑蟹肉
上面配上苹果醋啫喱捞埋啖啖蟹肉食，又酸又鲜，好开胃！
生蚝
日本蚝大大只，好肥美，上面加咗鲜茄萝卜蓉同埋酱汁，夹埋一齐饮咗佢，入口爽口鲜甜。
熟成两星期拖罗
上面加左芥末籽，仲烧左个皮，面头有少少焦香，油份十足！
烟熏拖罗春鱼
个皮火炙过带有少少焦香，配搭腌制洋葱丝，开胃之选。
烧秋刀鱼
入面包裹左少少炸蒜，香脆有咬口，味道香浓好惹味！
金鲷松粒扬
非常特别嘅一款炸物，热辣辣小心辣嘴，最特别之处系鱼鳞都食得，鱼味浓郁又嫩滑，配搭喜马拉雅山岩盐同埋青柠汁，增加味道层次。
六款寿司🍣
深海池鱼寿司
加左少少蜂蜜汁柠檬皮芽葱，鲜味十足。
牡丹虾寿司
加左柠檬汁同埋蛋黄醋，仲配搭食用花，好睇又好食😋
鲭鱼米纸卷
个人好喜欢嘅一款菜式❤️非常考功夫，欣赏师傅用用紫苏叶，加上鲭鱼、姜、各款食用花等等配料，再用米纸包住，靓到唔舍得食，包好出嚟效果有少少似越南米卷。
黑松露野菌蒸蛋
超钟意黑松露嘅味道，配上滑溜蒸蛋，上面仲加咗柠檬🍋入口即溶，好似冇经过个口就已经落咗喉咙咁。
鱿鱼马粪海胆寿司
鱿鱼界晒花咁样好美观，原来内有干坤！里面包住北海道马粪海胆，鲜味十足，鱿鱼唔会好似擦胶咁，口感比较松软同埋爽唔会太浆口。
𫚕鱼寿司
𫚕鱼熟成一星期，仲要用酱油腌渍过，好肥美而且味道丰富！
银雪鱼寿司
银雪鱼本身已经油香十足同埋好肥美，仲要配合生熟蒜，更有层次感。
鬼灯玉子拖罗饭
我心目中嘅No.1💯用醋饭+碎拖罗堆成富士山咁样嘅形状，上面仲要加上鬼灯玉子，本身只蛋已经有酱油味，蛋黄味道好浓郁，配搭加入京葱、青葱、芝麻、萝卜嘅拖罗碎，味道浓郁丰富～邪恶极了！
江户前玉子
望落去好似古早蛋糕咁，原来系入边冇面粉㗎！佢嘅材料有鸡蛋、虾肉同埋鱼肉，识落有少少虾嘅味道，系松软湿润既一件蛋糕仔！
爱侣鱼舞茸春菊汤
春菊打成茸，混入左汤羹入边，配搭舞茸，口味清爽。爱侣鱼口感软滑又唔会腥，饮埋啲碗汤我真系饱到傻了。
北海道赤肉蜜瓜富有柿
最后嘅饭后甜品🍮就系北海道赤肉蜜瓜，呢只蜜瓜味道独特好似糖果咁样嘅味道，香甜多汁～富有杮爽口香甜。
整体来讲，觉得厨师对待每一款菜式都非常认真，睇佢制作食物嘅时候好似表演咁样，整个过程都觉得好享受，菜式比较新式有创意。虽然价钱略贵，但系以佢嘅食物质素，绝对对得住呢个价钱！
张贴
