泰皇閣泰國菜館

营业中

休息中

想食正宗嘅泰国菜，梗系要去九龙城，位于衙前塱道嘅《泰皇阁》邻近宋王台港铁站，交通好方便。店内装修都好有泰国特色，摆放了一啲泰国嘅神像，供奉嘅位置，炸虾饼拼春卷~即叫即做，热辣辣炸起，非常香口，虾饼爽口弹牙，春卷唔会炸得太老。冬荫功海鲜汤~冬荫功汤有少少辣嘅，唔食得辣嘅可以叫清汤，材料丰富：青口、大虾、鱿鱼、秀珍菇...... , 味道够香浓，酸酸辣辣特别醒胃。烧海盲𫚧~朋友特别想试呢个盐烧，大家要有少少耐性，烧烤做法需要多少少时间呢，上菜时的卖相已经好吸引，打开鱼皮就可以清楚见到里面嘅鱼肉，食落软滑，肉质鲜甜，完全保存到鱼肉鱼汁嘅香味，沾小小泰国蒜蓉辣椒汁更惹味。龙眼冰~内含大量龙眼肉，有得饮有得食。椰汁冰~呢个都可以嗌小冰，特别喜欢椰汁香甜味道。