泰皇閣泰國菜館

营业中

休息中

好耐冇去九龍城泰國嘢，今晚終於去回味吓🤭呢度嘅嘢食選擇都唔少，大路嘅全部都有齊～食泰國嘢梗係要食咖喱啦，今晚揀咗青咖喱，味道唔算好辣，揀咗青咖喱牛肉，份量都好多👍 有咁大碗咖喱汁梗係要食蒜蓉包啦，一盒四件嘅蒜蓉包上枱熱辣辣，差啲唔夠喉😂我哋嗌咗半打串燒，要咗雞腎同雞肉！好鍾意雞腎嘅口感，夠爽脆；雞肉就係嫩滑嘅質感，本身唔係好鹹，點埋沙嗲醬啱啱好。我覺得呢度嘅炒金邊粉係必食推介，面頭好多花生碎粒粒，增加口感，金邊粉嘅質地炒得啱啱好，配埋芽菜同埋少少青檸汁，好味道！最後食埋芒果糯米飯，真係超級飽啊我哋見到仲有好多其他嘅菜式都好吸引，下次多啲人再試吓！

今晚去九龍城搵野食，緊係去食泰國野啦，見到呢間泰皇國門面幾靚，又近地鐵，決定入去試吓泰皇閣拼盤 $170呢個拼盤好靚好大份，賣相非常精緻，有個3層塔，有蝦片、泰式鳳爪、炸蝦餅、雞翼、炸魚餅、春卷，全部新鮮炸起熱辣辣，夠哂脆口，鳳爪好好食個汁脆肉炒椰菜苗 $74椰菜苗好爽脆鮮甜，配埋脆豬肉炒一流燒雞全翼 $18雞全翼燒得好香，小小脆，入面都juicy芒果糯米飯 $68緊係要食埋甜品啦，芒果夠甜，糯米飯夠煙韌椰青 $39Singha $35椰青大大個，十分解渴

這間泰菜在九龍城十分之有名，加上十分之方便離地鐵站只是1分鐘適合朋友的聚會.餐廳環境舒適，令人有放鬆的感覺.燒雞翼外皮金黃，內裡肉質鮮嫩多汁，調味恰到好處，燒烤的香氣讓人回味無窮。泰式肉碎炒飯：肉碎細碎入味，與飯粒充分拌勻，加上泰式特有的香料，如青檸檬葉、香茅等，讓整道炒飯風味獨特，酸辣可口，令人食慾大增。泰式咖喱配上牛肉，加上薄餅也是最佳的選擇了.泰式燒鯽魚：魚肉鮮嫩，燒製得恰到好處，保留了魚的原汁原味，同時又融入了泰式的酸辣風味，搭配香葉等調料，讓人一試難忘。芒果糯米飯：糯米飯香甜軟糯，芒果鮮甜多汁，兩者搭配在一起，口感層次豐富，甜而不膩，是炎炎夏日裡的一道清涼甜品。

收工帶屋企人來九龍城吃泰國菜，間餐廳都見好多人推介就來試吓，冇book位需要早啲嚟，比較多人等候。餐廳環境都算寬敞，上菜速度夠快，服務就很一般。價錢可以，不過食物沒有驚喜，普普通通。📌📌📌芒果沙冰 $34重芒果香 飲完好冰涼 爽的燒安格斯牛肉$115牛肉烤得剛好，質地唔會過韌，帶微微炭燒味，配埋青檸醬汁酸酸辣辣 夠惹味青木瓜絲沙律 $65味道酸酸甜甜又辣辣地，夠開胃。木瓜絲口感爽脆，有花生、紅蘿蔔絲等嘅蔬菜增加口感，層次感都算豐富蛋包鮮蝦金邊粉 $78金邊粉用蛋包住，賣相都幾靚嘅；再加埋大蝦，啲醬汁酸酸甜甜；芽菜同花生分開，份量都可以馬拉盞炒通菜 $66正正常常 不會太辣 菜都算爽脆炸蝦餅 $78炸得夠香脆彈牙，不錯燒鰂魚$145夠大條 調味就一般 都過得去菠蘿海鮮炒飯 $84炒飯夠乾身，飯夠多同埋海鮮配料，腰果，蝦，帶子等，入面還有細細粒切好嘅菠蘿，還可以🌟Encore 指數：5/10————————————————————🧮🧮🧮Total HK$699 (5人）

在有小泰國之稱的九龍城想找到一家 地道而又價廉物美的餐館 生蝦刺身 $115 6隻 有點不值因為其他餐廳基本上都是8隻起炭燒鱿鱼 很大一隻 燒得剛剛好 不會柴 搭配上海鮮醬汁 夏天的感覺就來了泰式安格斯牛肉 有點兒失望 因為醬汁已經淋上面沒有考慮過不吃辣的朋友 火候是五成熟 一丁點兒柴「泰式咖喱花甲」是咖喱蟹的那種咖喱搭配上薄餅十分下飯泰式飛天通菜 是泰式的口味香辣「芒果沙冰」不是落糖漿的那種是真的是用芒果打成「泰式奶茶」有一層奶蓋在上面很好口味是可以的但沒有很正宗男服務員很有禮貌 女服務員提醒有警察抄牌性價比在九龍城區性價比還是很高的

隨住啟德體育園準備開放黎緊將會越來越多大型嘅比賽項目喺果度舉辦而附近食肆應該會越黎越旺今日去完啟德體育園就嚟到九龍城泰皇國食泰菜餐牌選擇大路價錢都唔貴最貴都係海鮮菜式金不換炒花甲花甲大隻無沙爽口鮮甜燒安格斯牛柳青檸鮮香辣味夠重燒過仍軟淋嘅牛柳伴著鮮、酸、辣嘅調料別具特色馬拉盞炒通菜香辣惹味下飯⼀流蝦醬炒飯份量多面上⼀抹炒滑蛋同粵式炒飯好唔同旁邊亦附有甜味肉鬆相當泰味泰式綠奶茶本想以泰式濃甜作結估唔綠奶茶又無甜仲多了⼀份茶香

放工後與朋友相約到九龍城附近影下相，一賞老香港嘅景色。諗住搭車出番去食飯，望到#泰皇閣泰國菜館 ，都系離地鐵站一個街口就到，朋友話九龍城嘅泰菜相當出名，咁不如一嚐其特式。702• 泰皇閣拼盤 $170.0呢個拼盤好豐富，擺設真係好靚，足足有三層咁高，🇹🇭頂層蝦片脆卜卜。🇹🇭中層鳳爪沙律成個好新鮮，鳳爪爽彈鮮甜唔酸，夾着生菜番茄，酸酸甜惹味醒胃。🇹🇭低層(蝦餅，魚餅，素菜春卷，雞翼)，炸蝦餅較韌，魚餅彈牙，素春卷皮薄且夠脆，各類炸物食起來很香口!!301•蛋包鮮蝦金邊粉 $80.0製作頗有心思， 賣相吸引，除左放了3隻頗大的蝦🦐。金邊粉乾身，條條分明，不會黏在一起。加點青檸或花生🥜碎，味道甜中帶酸，值得一試!!212-馬拉盞炒芥蘭 $70.0 味道十足，芥蘭保持著爽脆， 菜葉嫩滑， 鹹香中透出絲絲鑊氣， 相當不錯!127 - 椰汁西米糕拼千層糕充滿椰奶香的椰汁西米糕，千層糕又暖笠笠，是不錯的小吃拼盤。102• 香茅青檸茶 $32.0114- 椰汁珍多冰 $32.0餐飲除了普通飲品之外，更有不少泰式特飲，每款都不錯，各有特色。

食物正常，環境正常 ，價錢合理，服務 唔合格，個女人黑口黑面，本來一家人開開心心食餐飯，俾佢完全破壞了，老人家要杯熱水，有咩問題呢？叫你收碟， 又好似好唔高興咁，落錯單，又係我哋問題，客人俾錢仲要受人氣，除時消化不良要俾錢睇醫生，今時今日唔想做就快啲出聲，門口大大隻字寫明唔好同員工說話，員工大晒，員工俾乜食乜，客人不準出聲，員工永遠是對的，睇吓有冇人會入去食飯，下次一定無回頭blacklist！！！！！！

回到香港過一些簡單舒服的日子, 九龍城的餐廳絕對是想簡單過但豐富衣食日子的好地方, 泰國菜當然是這裏最多的選擇, 今次來到泰皇閣是一家本地風格的那種, 飲品選擇很多, 而且相當有驚喜, 例如是芒果沙冰或者班蘭奶茶, 甜度與芒果及班蘭本身的味道調得剛剛好, 沒有死甜和膩感, 在泰式飲品重甜的情況下, 這種本地化反而令人覺得舒服.這裏的泰國菜式也很多元化, 烤類, 炸類和汁煮類的選擇也不少, 當然也是比較在地化的調教, 例如是咖喱汁和烏頭酸辣汁的調校也是偏向柔和, 前者配搭炸軟殼蟹感覺還好, 後者烏頭的泥味我知道已經不多, 但味覺敏感的我還是吃到一點點. 至於金邊粉正正常常, 就是一般餐廳的調味和口感, 當在泰國回來吃過炭火炒製的菜式, 就知道欠缺的也許就是炭爐的明火.Returning to Hong Kong for some simple and comfortable days, Kowloon City is definitely a great place for a rich yet uncomplicated dining experience. Thai cuisine

晚上7點幾，二個人，叫干炒牛肉河，沙爹，炸蝦餅，飛天通菜，只有炸蝦餅叫正常，牛河牛肉有雪味，蘇味，柴皮咁，河粉冇乜味，通菜炒到又係柴皮，沙爹竟然沒有牛肉選擇，於是唯有叫了豬肉，雞肉，上到枱已即刻食，但只係微暖，價錢雖不算貴，期間有另一枱入座，向一名髮型特別的職員點餐，點了幾樣，望到那個職員面帶不滿，咁嘅服務態度，咁嘅食物質素，實在浪費金錢，上星期食過金寶，諗住試下呢間，簡直可一不可再，極度不推薦，

平日訂了七位枱七點半鐘，七點鐘3位朋友早到不能安排進入，門口的男同事沒有表情只是說只能齊人才能入，只好在門口等了半個鐘，這個消費代客處理方法有待改善。（本人食開中菜多，早到的朋友都可以入座等，本人是消費者覺得感覺一啲都不良好不會再次幫襯)。叫了食物沒有拍照，但有三個餸,七個人的口味一致得難食，不推介（中伏），燒牛肉(好韌）、串燒雞肉和豬肉(路口串燒外賣檔好食過佢）、春卷(內裏自家的餡料好難食)，九龍城咁多泰國菜館可試，不會再次消費。

英國🇬🇧返嚟探親， 朋友首選泰國菜，梗係幫襯返「香港小泰國」九龍城嘅鋪頭啦！ 一定揀泰皇閣👍 我哋下午2:30去到，包場咁🫣 幾乎冇人， 食食吓，同店員傾吓偈，原來而家香港各行各業都好差，尤其係飲食，大部分人都北上食元素周期表料理⋯ 😪一開始叫咗三個餸先1）明爐青檸蒸盲鰽～👍👍👍因為英國冇烏頭食，返嚟香港都想懷念吓個陣魚味，店員話冇用烏頭好耐，原因係貨源唔穩定，唔知供應商會唔會混入啲「明渠烏頭」，真係食死人，所以索性唔用烏頭，用鹹水魚嘅盲鰽，成本仲貴過烏頭添！味道一樣咁正，尤其係底部嘅椰菜，塑咗湯汁好淋冇渣，魚同菜全部都食晒，抵食。2）胡椒粉絲膏蟹煲～👍👍👍上枱時陣陣桂皮，香葉味，聞到已經好想食，唔識形容，好有兒時同長輩做節食飯嘅味道，粉絲足夠3人食，隻膏蟹真係不得了🤤， $428咋！難以置信！我問店員會唔會係「明渠蟹」😂， 佢話係菲律賓膏蟹！（補充，隔咗兩日去親戚屋企食飯，有同親戚分享今次返香港嘅行程，原來菲律賓膏蟹街市賣都唔平㗎！ 佢哋都話$428咁大隻，有埋粉絲，超抵食）3） 冬陰功炒飯～👍👍 正常味道，之前係冇冬陰功炒飯㗎，所以試吓，個人少食炒飯，食開撈汁嘅飯，所以覺得炒飯偏油

個待應蓄意撞我張櫈, 望返後面其實又唔係冇位行喎。作為一位待應, 如果你覺得礙住你, 你應該禮貌地問客人可唔可以褪前少少, 而唔係三番四次用力撞張櫈。仲有, 個待應落落下單自己走咗去, 留時返*餐廳當時並唔多人*, 咁嘅態度仲值得俾加一？當時都幾困惑同埋失望下。整體而言呢間餐廳服務質素真係搞唔掂, 有眼都睇得出個待應唔憂做, 唔會再幫襯！

今日平日難得去九龍城食飯，眼見好多以前好好招呼嘅舖頭都做唔住，真係好心痛。無可奈何下見到泰皇閣好似穩陣，就入去食啦。店員好似唔憂做咁，態度奇差。水，唔俾。見到張溫馨提示，店內唔會主動提供水，就算係都只會係熱或暖水。冰水免問。請問今時今日咩境況可以做到咁串呢？好喇，叫左碟，鹹蛋炒鮮魷。做法真係令我大開眼界。成品同一般茶餐廳嘅炒鮮魷冇分別。唔見鹹蛋黃就唯有問店員啦，竟然鹹蛋黃只係切碎咗，同個汁撈咗一撈就起菜。菠蘿炒飯同Pad Thai 就一般貨色啦

我第一次寫食評，因為真係太差，所以先提醒大家。率先我哋被帶到上2樓坐等，上面可以話係全冇裝修可言，坐的是圓櫈冇背靠的大排檔形式。然後因為佢哋唔夠夥計，所以全程都係自助形式，包括攞碗碟及餐具，至於落order，要用自己電話打落去佢樓下收銀處落單。留意返即使全程自助，佢仍然會收10% service charge 。落單之後菜式不到5分鐘就會上菜，包括咖喱炒蟹，所以蟹係一早整熟嘅，只係炒埋落啲咖喱度。明爐花甲，花甲係一早灼熟嘅，只係放喺個兜上邊下便有火做吓樣嘅啫，不過花甲非常之韌。早嚟講呢度就係一間粗製濫造，服務水平低劣嘅餐廳。最後提返大家，人未齊係唔可以入座！10個大人9位到咗佢都要你好熱咁樣企喺門口等 ，等到第10個都嚟埋先至會俾你入去。