同心泰國菜館

营业中

休息中

约咗朋友食好耐冇食过嘅泰国菜，首选一定系谂住系九龙城揾食。揾到一间几正宗又抵食嘅试试佢。两个女仔系好饿嘅情况下叫咗一个咖哩、一份蒜蓉包、一碟菜、一碟炒粉、一份鱿鱼同埋一人一杯饮品。炭烧鲜鱿好大条，即烧，食落肉质好嫩好易咬，佢配咗个酸辣酱汁(有啲似点生虾果个汁)一齐食。泰式黄咖哩鸡一个小砂煲上唔太辣但好香，偏水一啲，锅入面都好足料。另外叫咗一份蒜蓉包，个法包都唔系hea，面头有啲生蒜，够晒味。马拉盏炒椰菜苗泰国餐厅一定要食马拉盏炒菜，今日拣咗从来未食过嘅椰菜苗。食落好爽口，炒真系好好食，仲有啲虾米。猪颈肉炒卷心粉好出色好好食，又系第一次接触卷心粉。个粉好似河粉但卷埋然后切到不规矩咁，但佢比一般河粉烟韧，食落好有镬气。好简单嘅料(芽菜，葱，蛋，猪颈肉)但炒埋一齐好好食。两杯饮品 : 青柠沙冰 & 珍多冰正常发挥，冇乜特别。整体佢啲碟头都几大，啲野都系即叫即炒，feel到系有啲镬气，当中我最推介嘅系炒卷心粉同炒椰菜苗。Menu都几多选择，比较适合多啲人一齐去食。环境都阔落，几’麻甩’，有啲似饭堂嘅感觉，但都几嘈下，约一大班人黎食应该几开心。