影片
港铁宋皇台站B3出口, 步行约4分钟
继续阅读
电话号码
27164588
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
行完九龍寨城公園，順道去九龍城小泰國食泰國菜！去到的時候尚早，有一半泰國菜餐廳未開，呢間之前去過加上蔡瀾推薦，所以去返呢間食อาหารไทย！我自己點咗份午餐：香葉辣椒豬肉碎飯（กะเพราหมูราดข้าว）配泰式凍黑咖啡（โอเลี้ยง）。先嚟咗杯泰式凍黑咖啡，呢杯泰式凍黑咖啡，味道濃郁，飲到啲穀物味，應該係加咗高粱或羅望子～過咗冇耐香葉辣椒豬肉碎飯都嚟啦，夠大盤，而且夠正宗！อร่อย~值得回頭再食～
继续阅读
約咗朋友食好耐冇食過嘅泰國菜，首選一定係諗住係九龍城揾食。揾到一間幾正宗又抵食嘅試試佢。兩個女仔係好餓嘅情況下叫咗一個咖哩、一份蒜蓉包、一碟菜、一碟炒粉、一份魷魚同埋一人一杯飲品。炭燒鮮魷好大條，即燒，食落肉質好嫩好易咬，佢配咗個酸辣醬汁(有啲似點生蝦果個汁)一齊食。泰式黃咖哩雞一個小砂煲上唔太辣但好香，偏水一啲，鍋入面都好足料。另外叫咗一份蒜蓉包，個法包都唔係hea，面頭有啲生蒜，夠晒味。馬拉盞炒椰菜苗泰國餐廳一定要食馬拉盞炒菜，今日揀咗從來未食過嘅椰菜苗。食落好爽口，炒真係好好食，仲有啲蝦米。豬頸肉炒捲心粉好出色好好食，又係第一次接觸捲心粉。個粉好似河粉但捲埋然後切到不規矩咁，但佢比一般河粉煙韌，食落好有鑊氣。好簡單嘅料(芽菜，蔥，蛋，豬頸肉)但炒埋一齊好好食。兩杯飲品 : 青檸沙冰 & 珍多冰正常發揮，冇乜特別。整體佢啲碟頭都幾大，啲野都係即叫即炒，feel到係有啲鑊氣，當中我最推介嘅係炒捲心粉同炒椰菜苗。Menu都幾多選擇，比較適合多啲人一齊去食。環境都闊落，幾’麻甩’，有啲似飯堂嘅感覺，但都幾嘈下，約一大班人黎食應該幾開心。
继续阅读
今晚六點半 行過見呢間泰菜館有位 又到左晚餐時間有d 餓 就入左去食晚飯叫左以下食物：- 泰式木瓜沙律 （7/10） 辣辣地 不過不失 開胃前菜都ok- 酸辣椰汁雞湯 （8/10） 加左椰子都仲有冬蔭功既味道 都還好但重點係以下呢樣 - 泰式船河 （-1000/10）入面有豬肉 豬肉丸 炸豬皮 都三塊豬肝其他配料唔講 但豬肝一咬入去 就有血水滲出黎。 我地同店員反映， 第一個店員冇聲出，於是叫左第二個店員定唔知店長過黎，過到黎語氣帶不屑咁同我地講： 泰國人食豬肝不嬲都鐘意生食，我地都唔知香港人點食， 但我地就係咁食，你下次叫煮熟d 囉！ 下！？ 乜豬都會生食？ 我真係孤陋寡聞。 本身都唔預佢退錢 只係想提醒下佢。 但店員咁既態度， 唔怪得香港既飲食業愈搞愈差， 原來就有你呢間害群之馬。大家唔怕食生豬 同受氣 可以過黎。 但我一定唔會再幫襯！
继续阅读
位於九龍城其中一間泰國餐廳，餐廳環境舒適空間較大。～～～～～～～～～～～～～～～～～～～～～～～泰式菠蘿炒飯味道好夠有鑊氣👏🏼👏🏼👏🏼鮮牛肉船河味道可以。牛肉不是上越南嗰種薄切牛肉反而是比較厚身少少嘅魚湯煲食落去有少少胡椒味嘅辣食落都算係暖肚嘅。入邊有冬菇、魚肚、雞仲有些少菜食落去好似好味啲嘅碗仔翅味道飲落去啲湯嘅味道幾好 口感食飲落去比濃稠。魚肚都算多建議兩個或以上一齊食。泰式奶茶味道OK但係唔夠香濃
继续阅读
午餐濕炒河（雞肉）送汽水嚟到九龍城要轉車，搵個午餐食，剛好隔籬就係一間泰國菜，雖然環境普普通通，價錢都OK，返到屋企放咗一陣仲係熱辣辣，唔知係咪太肚餓，一食落去真係不得了，好好食💕💕💕。 會再繼續幫襯👍🏻
继续阅读
您可能会有兴趣的...