友誼泰國菜館

营业中

休息中

星期五放工之后终于可以松松，今晚去左九龙城食泰菜，叫友谊泰国菜，菜馆新开，环境干净，星期五晚上好不热闹。细既冬荫公都好大煲，𩠌唔算好多有大虾同菇，酸辣程度刚好，味道不错。生菜包可以拣猪肉、牛肉或者鸡肉，通常都会食猪肉生菜包，生菜洗得都干净，包住有啲肥肉既猪肉，辣辣的好惹味！本身想叫烧乌头，但卖晒最终改左烧鲗鱼，有惊喜，啲鱼好滑，啖啖肉唔多骨，仲可以配个泰式酱增添层次。辣椒糕炒尤鱼，平时好少叫呢一味𩠌，朋友话想食就试下。望落红红好似好辣，但食落又唔会太辣，尤鱼都爽口弹牙，上面有啲炸左绿色既羽衣甘蓝，味道几特别！叫左龙眼冰同埋椰青，龙眼冰好浓但偏甜，椰青冰凉清甜，食埋啲椰肉，满足。