牛精皇

营业中

休息中

九龙城都算喺我半个主场，依到大大小小嘅火锅店都食过！不过依间新开大半年左右嘅新贵火锅店，真喺好好奇想试试！今次我约埋团长三个人试试！依间火锅环境装修非常舒适，连张櫈坐落都非常舒服！但最重要喺抽风系统做得好，行入舖头时，完全闻唔到传统火锅店个种火锅味！其实都几有 Home Feel！打边炉咩最重要？紧喺锅底同火锅料新鲜啦！依到提供嘅锅底有十五种咁多，一时之间都唔知拣边个好！经店员介绍之后，我哋决定试吓依到嘅主打《招牌牛精锅》！依个锅底用料十足，当中包括有《金钱牛肚》、《牛肺》、《牛尾》、《牛腩》、《牛孖筋》同《牛胶膀》！汤底浓郁，好有牛味！而且每件食材都非常大嚿，份量充足！听返店员讲依个汤底原来隔晚煲定，而且最少用上二十斤牛骨同其他秘料淆制，真喺好有心机同真材实料！先饮啖汤先，好有火喉，喺屋企真喺煲唔到咁嘅味道！听返店员讲，依到嘅牛肉都每日由屠房新鲜运到！另外，我哋三个麻甩仲叫咗《本地牛坑腩》、《精选牛孖筋》、《手打墨鱼丸》、《招牌手打虾丸》、《黑栢叶》、《牛骨髓》同《韩国金菇》！火锅料新鲜唔在讲，原来佢哋嘅丸类同饺类出品，都喺自家制！食咁多嘢，真喺好难一一描述，但当中我自己最欣赏几款！