影片
更多
2022-06-22
576 浏览
陪好友去九龙城买南货，行到身水身汗，又热又攰，谂住揾间餐厅坐低，顺便食埋晏先走。朋友话佢之前帮衬过城南道𠮶间「泰象馆」，店舖嘅食物做得唔错，食材优质，而且价廉物美。最近得知餐厅开咗新分店，想同我去试下。原来呢间店舖系泰菜馆嘅茶餐厅版，主要提供港式食物，例如碟头饭、炒粉面、小菜和下午茶餐等。点咗一个炒面、一客炒饭，另外再加咗碟虾仁炒蛋，每个餐都会奉送例汤及热饮，冻饮+$2。今日系花生莲藕猪骨汤，睇下几足料，清热降火，润而不腻。银芽肉丝炒面 ($48) 面底做得非常香口，面条幼细，咬下脆卜卜、散发住蛋香。肉丝肥瘦适中，银芽爽口。芡汁嘅浓稠度亦啱啱好，味道唔会太咸，再伴以韭黄同葱段，令口感大大提升，绝对值得一赞。另外呢碟海鲜蛋白炒饭 ($48) 亦系推介之选。米饭炒得够干身，入口粒粒分明，没有丝毫油腻感，够镬气又惹味。海鲜料下得非常慷慨，有鱿鱼，虾仁，蚬肉等，好丰富，分量十足。韭黄虾仁炒蛋 ($52) 鸡蛋炒得非常滑溜，火喉控制得宜。虾仁爽口弹牙，入口冇雪味，韭黄新鲜味浓，吃下香气非常。跟餐饮品点咗冻柠檬茶 (+$2) 同 热奶茶，柠茶以银钛杯盛上，入口够晒冰冻，味道亦不俗。
朋友话佢之前帮衬过城南道𠮶间「泰象馆」，店舖嘅食物做得唔错，食材优质，而且价廉物美。最近得知餐厅开咗新分店，想同我去试下。
原来呢间店舖系泰菜馆嘅茶餐厅版，主要提供港式食物，例如碟头饭、炒粉面、小菜和下午茶餐等。
点咗一个炒面、一客炒饭，另外再加咗碟虾仁炒蛋，每个餐都会奉送例汤及热饮，冻饮+$2。今日系花生莲藕猪骨汤，睇下几足料，清热降火，润而不腻。
银芽肉丝炒面 ($48) 面底做得非常香口，面条幼细，咬下脆卜卜、散发住蛋香。肉丝肥瘦适中，银芽爽口。芡汁嘅浓稠度亦啱啱好，味道唔会太咸，再伴以韭黄同葱段，令口感大大提升，绝对值得一赞。
另外呢碟海鲜蛋白炒饭 ($48) 亦系推介之选。米饭炒得够干身，入口粒粒分明，没有丝毫油腻感，够镬气又惹味。海鲜料下得非常慷慨，有鱿鱼，虾仁，蚬肉等，好丰富，分量十足。
韭黄虾仁炒蛋 ($52) 鸡蛋炒得非常滑溜，火喉控制得宜。虾仁爽口弹牙，入口冇雪味，韭黄新鲜味浓，吃下香气非常。
跟餐饮品点咗冻柠檬茶 (+$2) 同 热奶茶，柠茶以银钛杯盛上，入口够晒冰冻，味道亦不俗。
张贴
