影片
更多
2016-12-15
336 浏览
九龙城最多系咩？泰国菜馆、甜品店？其实选择又点止咁少？啱啱同大班朋友试过呢间「雷公子海鲜串烧大排档」，发觉水准唔错，下次黎九龙城可以多个中菜选择。 一坐低，侍应先送上每人一碗汤，呢晚系霸王花煲瘦肉，估唔到咁鲜甜清润，我呢期热气，饮呢个最好！ 跟住其实我想讲下佢D碗！叫左支啤酒，餐厅竟然俾左两只碗我地，仲要写住「战斗碗」、「胜」，好豪气！咁我地一于饮「胜」啦！ 海盐手插虾 ($198)一打开锡纸，香喷喷既避风塘香味即刻抢住出闸。虾好新鲜，虾头有膏，虾身鲜甜，而且避风塘料好香口惹味，呢个系我既必食推介！ 汉王蒙古重庆烤鱼 ($298)好辣，而且系愈食愈辣！我食唔到好多，但D朋友就食得津津有味，后来仲加入左红薯粉打边炉！鱼肉好滑，骨唔多，确系几好味既。 冰镇古惑鲜鱿 ($108)点古惑？鲜鱿已经灼熟，然后放响冰块上面冰镇，食起上黎相当爽口，餐厅仲配埋日式芥辣豉油，所以感觉就好似食紧刺身咁，老板今次真系古惑啦！ 古法客家碌鸭 (半只，$138)呢个调味带甜，听大厨讲，原来系加入左罗汉果，唔单止特别，而且仲同鸭肉好夹！鸭肉入味，一齐煮既莲藕亦非常甜美爽口，不得了！ 小尖笋农家小炒肉 ($
一坐低，侍应先送上每人一碗汤，呢晚系霸王花煲瘦肉，估唔到咁鲜甜清润，我呢期热气，饮呢个最好！
跟住其实我想讲下佢D碗！叫左支啤酒，餐厅竟然俾左两只碗我地，仲要写住「战斗碗」、「胜」，好豪气！咁我地一于饮「胜」啦！
海盐手插虾 ($198)一打开锡纸，香喷喷既避风塘香味即刻抢住出闸。虾好新鲜，虾头有膏，虾身鲜甜，而且避风塘料好香口惹味，呢个系我既必食推介！
汉王蒙古重庆烤鱼 ($298)好辣，而且系愈食愈辣！我食唔到好多，但D朋友就食得津津有味，后来仲加入左红薯粉打边炉！鱼肉好滑，骨唔多，确系几好味既。
冰镇古惑鲜鱿 ($108)点古惑？鲜鱿已经灼熟，然后放响冰块上面冰镇，食起上黎相当爽口，餐厅仲配埋日式芥辣豉油，所以感觉就好似食紧刺身咁，老板今次真系古惑啦！
古法客家碌鸭 (半只，$138)呢个调味带甜，听大厨讲，原来系加入左罗汉果，唔单止特别，而且仲同鸭肉好夹！鸭肉入味，一齐煮既莲藕亦非常甜美爽口，不得了！
小尖笋农家小炒肉 ($98)
干锅肥肠 ($98)跟住系两个辛辣菜式，小炒肉肥瘦适中，炒得惹味；肥肠炒得干身，由肥肠变成瘦肠，两款都最啱送酒。
蒙式烧烤脆猪手 ($198)乳猪皮香脆，乳猪肉上层稍为干身，食既时候记得点大厨秘制既「蒙古烤汁」，好香薄荷叶味，带有淡淡甜味，中和番猪手既咸，唔错。
秘制烧猪肋骨 ($198)由廿几种香料将排骨腌足六小时，唔驶讲都知入味；排骨面层烤得微焦，有蜜糖香，送饭一流！
上汤豆苗 ($128)食左咁多肉，都要食番碟菜，而家豆苗当造，食得正系时候，新鲜嫰绿，蒜子亦带有天然鲜甜，唔驶一阵间，已经俾大家清左碟！
张贴
