泫居酒屋

营业中

休息中

本鲔寿司盛($248)，三个等级既拖罗寿司，加吞拿鱼蓉军舰，由下至上逐件食，味蕾好清晰分别到三个唔同层次口感，大拖罗色泽呈鲜粉红，好靓，入口即溶软绵绵，无筋而且油脂最多，中拖罗都好肥美，都保持到入口即溶。松叶蟹肉蟹子沙律($88)，平时沙律主要系青瓜、蟹子、沙律酱，但今次这菜式加入埋蟹肉丝，配搭上好夹。牛舌芯($68)，有厚度，食落更爽口弹牙，而且舌芯系整条牛舌最重油脂既位置，牛既膻味也会较浓郁。芦荀豚肉卷($42)，豚肉烧到能保持肉汁唔干身，而且带点油脂，配埋芦笋既爽口口感，兼且可以解一解口腔内既油腻感，两者混合一齐食好夹。秋葵($32)，经烧过既秋葵，内里滑溜溜既感觉都减少左，食落较易入口。豚肉日式炒乌冬($118)，炒得入味，配料亦够足，豚肉份量有好多片，而且每片都有附带著少许脂肪，食落口感上唔会"鞋"口。