雷公子海鮮串燒大排檔 (已結業)

朕今日本来同一众随从去九龙城食泰菜，点知行经呢间雷公子见到九点后有一蚊一只蒜茸烧元贝，又有足五两大闸蟹，咁朕就紧系试下啦！先黎上枱既系秘制烧猪肋骨，叫得秘制，就梗系用秘制既方法同秘制既酱汁整架啦，烧猪肋骨外层香脆，有微微既炭烧香味，肉质爽口弹牙，开胃前菜。3D立体芥兰，朕百思不得其解，芥兰就梗系立体架啦，唔通平面既咩！呢个芥兰系张啲芥兰叶炸到脆卜卜，好似川椒鸡啲叶咁，再配埋肉碎同埋芥兰茎，然后再配埋蒜茸包一齐食，味道一般，但就胜在层次丰富，立体芥兰，立体者层次也！笼仔荷叶花雕蒸刀贝，有好香既荷叶味，而花雕酒亦渗到刀贝内，加上刀贝既鲜甜，不俗！海盐手插虾，先张鲜虾油泡，再张啲虾放落锡纸内，再揾海盐包住加热，虾肉咬落爽口弹牙，鲜味十足！蒜茸蒸元贝，差唔多有手掌咁大（连壳计），落足蒜茸，仲加左少少菇，食海鲜，最紧要鲜，呢个蒜茸蒸元贝就够哂鲜味！！！每人两个，大满足！！！最后出场，主角大闸蟹。正所谓《九月团脐，十月尖》不时不食，识食既就梗系食时令野啦，而家仲系农历九月，朕就梗系要〈团脐》啦！而朕食大闸蟹就剩系食个壳既啫，而食壳就梗系食膏啦，一开个壳，啲膏就咇哂出黎，啲蟹膏金黄鲜甜，食落够黏口，