Mama Mia! Pizzeria

营业中

休息中

去九龍城從來冇諗過食西餐，因為想食嘅餐廳都好多人排隊，結果行下行下就見到呢間裝修得好靚嘅薄餅店。本身都鍾意食pizza，特別係拿坡里pizza，見到呢間餐牌啲相都幾吸引，就決定試一試。想試pizza店嘅水準，最好就係是叫最簡單嘅margarita，佢單點有分9吋同12吋，我就叫咗個12吋嘅。佢個批中心夠軟夠薄，批邊都做得夠漲身，只係硬咗少少。不過佢嘅底同面都冇乜焦痕，唔知係咪因為個爐唔夠高溫，不過整體嚟講個餅底都算有水準，質感幾好。要批評嘅係醬料唔多夠味，茄味較弱唔夠酸，芝士亦唔夠香，食落就較為淡味。可能佢其他口味會更出色，有機會再試。