Mama Mia! Pizzeria

营业中

休息中

去九龙城从来冇谂过食西餐，因为想食嘅餐厅都好多人排队，结果行下行下就见到呢间装修得好靓嘅薄饼店。本身都钟意食pizza，特别系拿坡里pizza，见到呢间餐牌啲相都几吸引，就决定试一试。想试pizza店嘅水准，最好就系是叫最简单嘅margarita，佢单点有分9吋同12吋，我就叫咗个12吋嘅。佢个批中心够软够薄，批边都做得够涨身，只系硬咗少少。不过佢嘅底同面都冇乜焦痕，唔知系咪因为个炉唔够高温，不过整体嚟讲个饼底都算有水准，质感几好。要批评嘅系酱料唔多够味，茄味较弱唔够酸，芝士亦唔够香，食落就较为淡味。可能佢其他口味会更出色，有机会再试。