影片
更多
2020-09-15
1144 浏览
同中学同学喺九龙城食完晚饭，我哋自不然走咗去食饭后糖水😛。喺九龙城数一数二出名嘅应该系「潮州合成甜品」。不过可能由于限聚影响，加上餐厅十点后无得做堂食，所以呢晚去到𠮶度发现比以往静局。可能系咁，啲姐姐无咁忙，态度亦好咗🙈。我同朋友叫咗一人一碗腐竹薏米清之丸($36)，本身有谂过不如嗌两款唔同嘅试下，之但系睇嚟睇去都系呢款最想食，而且清心丸系胆😎。糖水清清哋，唔太甜，味道唔错；但我嫌糖水太少、腐竹太多又唔够薄，成碗口感变得稠稠厚厚的，扣分。不过清心丸依然大大粒，四四方方，几可嚼口👍，个人感觉同糯米磁唔同，口感系再烟韧同正啲。但食落好饱肚😂，我居然食唔哂成碗。餐牌明明写$35，但落单要$36，$1就由佢啦，可能餐牌追唔上加价，哈哈。如果以佢知名度计，呢个价钱唔算贵，因为出面新派甜品舖闲闲地都$40一份啦😉。另外，糖水都几大碗，份量多！合成收藏啲剪报收藏得好好，过哂胶，全部都系接近20年历史嘅旧报道。佢出名到日本旅游书都有介绍佢🤔。小店环境好一般，旧唔系问题，问题系在于好多杂物咁，感觉唔太干净😳...。佢有两层，之前去过上层都差唔多情况。总括嚟讲，我觉得去开九龙城想食清心丸嘅不妨帮衬一下，但
同中学同学喺九龙城食完晚饭，我哋自不然走咗去食饭后糖水😛。喺九龙城数一数二出名嘅应该系「潮州合成甜品」。
不过可能由于限聚影响，加上餐厅十点后无得做堂食，所以呢晚去到𠮶度发现比以往静局。可能系咁，啲姐姐无咁忙，态度亦好咗🙈。
腐竹薏米清之丸
$36
18 浏览
0 赞好
0 留言
糖水清清哋，唔太甜，味道唔错；但我嫌糖水太少、腐竹太多又唔够薄，成碗口感变得稠稠厚厚的，扣分。不过清心丸依然大大粒，四四方方，几可嚼口👍，个人感觉同糯米磁唔同，口感系再烟韧同正啲。但食落好饱肚😂，我居然食唔哂成碗。
餐牌明明写$35，但落单要$36，$1就由佢啦，可能餐牌追唔上加价，哈哈。如果以佢知名度计，呢个价钱唔算贵，因为出面新派甜品舖闲闲地都$40一份啦😉。另外，糖水都几大碗，份量多！
合成收藏啲剪报收藏得好好，过哂胶，全部都系接近20年历史嘅旧报道。佢出名到日本旅游书都有介绍佢🤔。
小店环境好一般，旧唔系问题，问题系在于好多杂物咁，感觉唔太干净😳...。佢有两层，之前去过上层都差唔多情况。
总括嚟讲，我觉得去开九龙城想食清心丸嘅不妨帮衬一下，但专登去就唔太值得。我朋友话上两次食啲清心丸好粉(今次正常)，所以可能代表品质都几唔稳定。其实我有时喺到谂清心丸应该唔系好难整啫，但偏偏无几多间舖有卖，所以抵合成做独市生意嘅😝！
张贴
