影片
更多
2024-04-26
205 浏览
出街多数食西餐或者日本嘢，但其实最易忽略嘅粤菜先系最讲师傅嘅功架，每道菜都要花好多心机先整到！🤤今次就去咁AIRSIDE一间装修雅致嘅高级粤菜，尝一尝创新与精致嘅味道！由门口开始延伸到用餐区都布置咗大量绿色植物🌿，有种置身于丛林嘅感觉，喺忙碌嘅一天后喘息一下！🌱餐厅4人嘅座位宽阔，食饭倾偈唔怕畀隔离听到，私人度高，另有8人大枱，啱晒家庭聚会，🌷相信嚟紧母亲节应该会好多人book枱！菜式以中式为主，亦有啲系中西 crossover，唔少都好有创意，好似桔柚黑鳕鱼就用咗咕噜肉嘅手法。🎋当中必食就系近期大热嘅震藤藤奶冻，佢用咗石狮子嘅模，加埋黑芝麻嘅颜色，这型感十足，打卡一流！当然啦，餐厅价钱唔算好平，晚餐套餐 $698一位，但2位起计，而单点都二百至四百一道𩠌🍲，仲要畀茶芥，不过用料高质，加上服务都几好，都不妨一试嘅！🫖茶芥 $28/位 + 小食$28食得粤菜自然要叹茶，呢度有8款茶叶选择，平时较少嘅金骏眉、碧螺春和凤凰单丛都有提供。而核桃应该有处理过，食落甜甜哋，有淡淡红枣味，另外仲有碟虾干，有啲似XO酱，鲜味得嚟辣辣哋，几特别！🦆茶熏鸭（半只） $268茶熏鸭唔算好大只，不过好好袋！皮
菜式以中式为主，亦有啲系中西 crossover，唔少都好有创意，好似桔柚黑鳕鱼就用咗咕噜肉嘅手法。🎋当中必食就系近期大热嘅震藤藤奶冻，佢用咗石狮子嘅模，加埋黑芝麻嘅颜色，这型感十足，打卡一流！当然啦，餐厅价钱唔算好平，晚餐套餐 $698一位，但2位起计，而单点都二百至四百一道𩠌🍲，仲要畀茶芥，不过用料高质，加上服务都几好，都不妨一试嘅！
🫖茶芥 $28/位 + 小食$28
食得粤菜自然要叹茶，呢度有8款茶叶选择，平时较少嘅金骏眉、碧螺春和凤凰单丛都有提供。而核桃应该有处理过，食落甜甜哋，有淡淡红枣味，另外仲有碟虾干，有啲似XO酱，鲜味得嚟辣辣哋，几特别！
🦆茶熏鸭（半只） $268
茶熏鸭唔算好大只，不过好好袋！皮脆肉嫩系基本，淡淡肉，而且有茶香同烟熏味，食落有啲似食猪手，肥膏嘅位都好香口，油而不腻，旁边仲有啲烘脆咗嘅茶叶，散发回甘嘅香气！
🐟鲜沙姜煎鳕鱼腩 $288
鳕鱼腩用咗沙姜鸡嘅做法，炒得好香几惹味，鱼腩肉质鲜甜嫩滑，不过有一条条粗骨，食嘅时候要小心！
🐟香煎花胶扒半三色藜麦 $298
香煎花胶扒好似西餐咁香煎，上面搞咗层酱汁，甜甜哋几弹牙，垫底有三色嘅蔬菜同藜麦，似足新兴嘅椰菜花饭，仲好courful！
🦀皇帝蟹脆米泡饭 $238
泡饭嘅外表平凡，无咩蟹盖蟹脚做点缀，但一食就知佢深藏不露！奶白嘅鱼汤有劲多皇帝蟹肉，仲有瑶柱、肉碎同菜粒，鲜味十足，加埋脆米同饭，口感丰富，我都食咗两大碗！
🦁石狮黑芝麻糕 $68
可爱可狮造型震藤藤超治愈，奶冻嘅口感，滑嘟嘟又有浓郁芝麻香，打卡食用两兼偏！
张贴
