Amaroni's New York Italian Restaurant & Café (又一城)

营业中

休息中

我同老公今晚返城大上完堂之后行又一城，途经一间意大利餐厅，俾佢既时尚格调摆设吸引，加上灯光柔和气氛浪漫，就入去试吓。坐低之后，侍应捧上热辣辣香喷喷面包篮，蘸黑醋橄榄油，食落好香。点了个季节限定的意式酿花菇做头盘，馅料应该用了菠菜、蒜蓉加面包糠做酿料，上面脆，下面冬菇软淋，加上有啲蕃茄沙沙夹埋一齐食，几好味，一共6个都唔少。再点了个海鲜意大利饭同麻辣鸡肉薄饼2个share 食。海鲜意大利饭海鲜有虾、鱼、带子、青口，都系正常类别，不过份量多。每口饭都系有海鲜加上大量新鲜蕃茄肉，几难得。个汁调教恰当，食落唔太酸，我哋都满意。麻辣鸡肉薄饼呢个同样系季节限定，有8件，感觉份量超大。味道方面，麻辣味好有四川既感觉，食落嘴唇系麻既，d麻辣同鸡肉好夹，加上芝士同洋葱，食落好香口，难得唔油，绝对推介。个薄饼底外脆内烟韧，有嚼劲。士多啤梨芝士饼虽然好饱，但都要食甜品。美式嘅食物果然份量超大。虽然已经点了细份的，同样好大件，比出面一般既餐厅大起码半件有多。香浓软滑芝士加埋香脆可口合桃碎饼底，加上甜酸士多啤梨酱，真系几饱都要食。