皇御園 (已結業)

第一次同女朋友嚟到这间餐厅用膳，被其食物和装修所吸引，决定第一次写食评，将呢间优质餐厅推介比朋友。一走进这餐厅，门口的接待员已好有礼貌咁问我哋有否订座，然后就带我哋入座。呢度环境宽敞，枱与枱之间有一定嘅空间， 倾计嘅时候唔会比隔离嘈亲。我哋先叫咗两款前菜，海蜇头咬落相当爽口，青芥末味道刚刚好。炸豆腐也很香口，外脆内暖兼且皮薄唔油腻。之后饮咗个杏汁猪肚汤，呢个味道尚可。然后叫咗鹅肝带子皇，卖相及味道都一流，而且有蛋白喺底，可以中和返鹅肝嘅味道。两个主菜系冰镇咕噜肉同白玉葡萄（即系东瓜粒）。咕噜肉肉质甜美，唔似得外边啲酒家咁，用啲普通排骨或猪肉。而随碟嘅士多啤梨及火龙果好新鲜，配埋咕噜肉一齐食，好。至于白玉葡萄嘅卖相，好明显见倒师傅系有用心去摆放，而且夏天亦最啱食东瓜呢。我亦当场灵机一触，将摆设稍稍修改，变成一个心形，氹得女朋友非常开心。唯一美中不足，系因为太饱，未能试吓呢度嘅甜品。最后埋单，都系1200蚊左右，价钱尚算合理，而我哋亦决定咗，之后都会再嚟帮衬。