皇御園 (已結業)

好耐無comment，但呢間執左真係令我忍唔住。呢間餐廳，係用埋app既優惠下，個性價比真係全港number 1。蟹蓋，湯，咕嚕肉，手工麵，甜品疏乎里，樣樣難忘。呢間係去九展睇show前既好去處。一來行去九展只係3至5分鐘，二來九展有質素既餐廳我真心一間都講唔出。希望原班人馬快啲開番。最好唔再用app優惠，而係壓低番個餐牌價錢，再同演唱會公司聯繫，俾人地睇show前優惠，咁係呢啲死位先有機會生存到。

今日原本book咗位同班親戚朋友食飯，點知去到餐廳門口發現佢結束營業離晒譜我事前冇收到餐廳任何通知，如果唔係我唔需要摸門釘！仲要開車入嚟蝕左$20！好心佢地唔開門就通知聲我地依D訂左位既人去到門口見到貼咗張紙

今天1140訂飯盒，1300取，預訂號碼T0003，但取餐時才告知所選的飯盒已售罄，可轉其他或取消，問為何這麽遲才通知，答案是給了較早取餐的顧客，再問為何不按預訂號碼取餐，答案是太多訂單？？這是甚麼營銷手法？預訂有甚麼用？

來到九龍灣，想搵下啲新鮮感，除咗去megabox、德福廣場之外，就嚟咗呢間皇御苑試下。 位置唔算特別方便，但係勝在有停車場，揸車去就冇問題。酒樓樓面面積唔算大，但勝在樓底高，空間感算唔錯。 冷氣夠凍但係風口直吹住頭頂，問過職員可唔可以熄細少少，但佢哋話冇得校。開咗壺茶，我哋叫咗三碟菜。本來想叫多兩碟，但係佢哋都話賣曬。整體不過不失，但應該只會幫襯一次 — 酒店價錢，但食物水準、份量一般。職員服務參差，有個短髮阿姐幾專業，但係有個講普通話口音嘅就好麻麻，比起普通街邊酒樓要差一啲，難免扣分。

星期六，全家人齊齊整整去飲茶訂咗1:00。吓，去到同講話未有位要等真係火都嚟埋脆皮鮮蝦春卷，應脆嘅脆、應該滑嘅滑、個腸粉豉油調教得好好味。黃橋燒餅普普通通，不過有塊板熱住，都算有心思。另外見佢轉左啲新點心，但係食唔到咁多嘢下次先再試。可能因為都近12月，見佢出咗啲新嘅煲仔菜就梗係要試吓啦。古法炆花錦鱔煲，抵讚足料。蝦子柚皮鵝掌，水準以內。甜品叫咗個核桃酥，普普通通啦。門口個經理仲請我哋食糖水，之後佢仲解釋返，原來係因為上一台客人訂咗11:30有折頭嘅枱，係限時90分鐘嘅。而因為嗰台客人唔肯還枱，仲發脾氣話要投訴經理冇禮貌。總括嚟講餐飯都好滿意，真係難為了經理。

喺附近返工，知道佢換咗新點心特登嚟試下。厚切叉燒依然保持水準，好明顯堂食叉燒係靚過外賣飯盒，貪平嘅就繼續食飯盒啦。另外煙燻豉油雞都係超水準表現。臘香蟲草花餃做得好精緻。鴛鴦臘腸卷有心思，一條入面有曬兩款臘腸。 黃金流沙包，正常流沙包，但係60蚊對比起其他點心有啲貴。臘香包粒炸蜂巢一樣都做得好有心思。棉花雞、酸辣小籠包保持一貫水準。最可惜嘅係冇咗個黑椒牛仔骨。見到餐廳嚴格執行安心出行嚴格遵守規則，冇帶電話/唔合作嘅全部都拒諸門外，難為了他們把手前線。食晏都食得安心又放心最緊要係門口帶位個男經理夠曬溫馨親切，有禮貌

朋友介紹話好食，可以試吓、點知伏咗。叉燒係最好食，肥瘦適中，肉嫩帶汁，仲有個器皿保持溫度，但堂食成$198仲要得10舊，嫌貴嘅就最好唔好試。喜馬拉雅山岩鹽雞就一般般，可以試可以唔試，接受唔到重口味嘅就唔好食。個燒鵝係極品，松露同燒鵝三樣嘢完全唔夾，口味嘅嘢就好主觀，想挑戰極限嘅必定要試。仲有黑松露蝦餃，全部嘢都黑蚊蚊嘅，食中餐對住啲黑色嘅嘢，唔知想點。仲有百花泰式茄盒、剁椒(油浸)魚柳腸粉，經典中嘅經典。仲有個炸鮮奶卷，嗰隻綠色真係好假，見到都唔想食。呢間餐廳嘅色彩運用絕對超班黑椒牛仔骨係最好食嘅，夠味，肉質嫩。 鍾意食清淡嘅就咪試。甜品都一樣出色水中花椰汁糕，皇梨酥很精緻，蛋散也出色入口鬆化全間餐廳最好嘅就係服務門口帶位個經理男人健談，解釋清晰，有禮貌

呢間嘢本來對佢食物好有期望，但係結果極失望，因為朋友話佢個外賣叉燒飯好食，可以試吓、點知伏咦咗。叉燒係最好食，肥瘦適中，肉汁嫩，仲好用心下面點住爉咁重熱佢。但堂食成$198仲要得10舊左右，但外賣飯盒就$60就差太遠個燒鵝可以話係難食嘅極品，個汁，松露同燒鵝三樣嘢完全唔夾，個汗又咸又傑。浪費隻燒鵝，隻鵝仲用墨魚汗搽面先燒，唔知想點例湯正常仲有個黑椒牛仔骨，咸到呢係有黑椒味重，肉質都可以，但太大舊又啲汗咸到，食咗兩啖都要狂飲水。我諗呢間嘢唯一有下次係買佢個平外賣叉燒飯盒仲要門口帶位個經理男人好無禮貌

之前買過外賣叉燒飯覺得好好食，原來堂食嘅蜜汁叉燒更加出色，味道更上一層樓😋 厚切半肥瘦叉燒口感軟腍，肉質完全唔乾，蜜味香濃，餘韻延綿，令人回味無窮🤤 側邊有提子乾伴碟，盤下方有明火温熱，擺一陣依然暖暖的，非常好吃，嚟到一定要試！第一道菜好出色，我地對接下來嘅食物充滿期待，但第二道菜令人大失所望XO醬脆皮腸粉表層香脆，可惜欠缺賣相，望落似食淨幾嚿用細碟盛起，扣哂分數。餐廳整體格局精緻(價錢都較精緻🤣)，因此對賣相會有較高期望。如果採用石頭鍋温熱，整體觀感會較好雪山叉燒包有少許炭燒味，表層脆皮唔會四處散落👍🏽 好食點心款式特別，味道唔錯😋 一籠有三件，落單時可提出彈性加多一兩件鵝肝和牛鬆炒香苗味道濃郁，唔錯🥳推介黑椒煲仔牛仔骨，黑椒味濃但唔算好辣，好出色，配白飯一流😋 每枱都有開放式間隔，當日一行5人獲安排獨立房的十人枱，可以寧靜地用膳，私隱度十足，房中還有獨立洗手間。不足之處係落單要走出房間找職員。職員放置餐具時係逐件放置，期間未有提供餐牌，放置好餐具才提供兩頁點心餐牌，其餘菜式以iPad展示，但午市沒有足夠iPad，入座接近15分鐘才提供iPad，iPad只有閱覽餐牌功能，沒有落單/按

️前排爸爸媽媽生日，就打算帶佢哋去呢間中餐廳度慶祝，但係集中晒伏！先講吓呢度個地點，喺九龍灣高銀金融國際中心，係一個非常之唔方便嘅地點！跟住入到去雖然裝修好似好靚，但係啲服務態度就真係強差人意！冇乜笑容不單止，竟然連上菜都唔記得，我哋食完第二個餸之後等咗成20分鐘都未有下一個餸，忍唔住蚊服務員，原來佢哋唔記得咗…最重點嘅係食物冇一樣可取！片皮鴨好油，皮又唔脆，又冇乜鴨香。你一樣最大嘅缺點係佢啲嘢好鹹，每一樣餸都係好鹹！嗰個豬肋條🦴超級鹹，啲肉又乾爭爭，個菜冇乜特別，就係普通嘅蕃茄加菠菜，自己喺屋企煮都好食過佢！總之一定唔會再回頭🙅🏻‍♀️

今個周未，來到皇御園飲茶連食中午飯，貪呢度周六清靜，唔多人知，唔駛排隊。因為唔多人，去到就立刻可以坐低，仲可以用iPad 睇menu。我地點左帶子腸粉，帶子👌🏻爽滑豆腐羮體現廚師刀工不得了👍🏻👍🏻金箔松露蝦餃就好高級，味道好正😆煲仔黑椒牛仔骨味道好惹味，好送得飯😋唯一比較失色既就係呢個紅菜頭上素粿，油比較多😅冬菇棉花雞就係正常發揮，雞肉好爽。雲腿海味手工拉麵，上面既海味配菜都好鮮味，份量都充夠。黃橋燒餅上碟新鮮熱辣，正👍🏻最後叫左芝麻卷同埋香芋椰汁西米露做甜品，味道唔太甜，芝麻卷真材實料。最後埋單有折扣，唔駛$800，人均$200，好滿足既一餐。😆😆

呢間酒樓其實已經嚟過唔少次，食物方面保持到水準，如果正價有啲偏貴，但係撞啱有折扣時段就好抵食。而且酒樓環境舒適，座位闊落，不過大聲啲傾偈都幾認聲。其實除咗個女廁之外冇乜挑剔，今次去個廁所係不能接受到要去酒樓出邊個廁所，同部長反映嘅回覆係：正常呀，出邊個廁所清潔得密啲！我嗰下真係呆咗😂前菜～酸酸甜甜嘅法國魚～仲有差唔多每次都會叫嘅咕嚕肉～今次仲試咗個雞煲！呢個鮑魚基本上每次都會叫，開胃小食甜品～炸鮮奶

久仰皇御園叉燒飯大名，聽聞除咗叉燒好食，飯盒內嘅豆角係好食到唔會食剩，既然人人力讚，當然要試一試😋叉燒飯有一半係半肥瘦叉燒，一半瘦叉燒，半肥瘦好好食😋 瘦叉燒就相對冇咁吸引。同行3個朋友嘅叉燒飯都係全盒半肥瘦，我嘅手氣差咗少少... 最估唔到係豆角嘅味道，見佢係同叉燒擺埋一齊以為係會蜜汁味，但原來係浸咗辣油，不過只有辣油嘅麻香，食唔到有辣味，幾有驚喜用埋openrice優惠碼叫外賣只係$40，以區內燒味飯嚟講好抵食。

星期六晚，屋企人食飯，一行三人，去左皇御園（黃議員😆，玩下食字音哈）食晚餐。呢間餐廳 ，餐廳環境清靜、空間闊落，比級高級，真是一流。就是冷氣太足，建議女士都可以多帶件衣服。豉汁帶子蒸滑豆腐帶子甜、超新鮮，見到廚師有在帶子面加了蒜蓉在面，有其心思。豆腐豉汁蒸帶子味道啱啱好，我們仲叫叫咗少鹽，味道剛到好處。雲腿海味手工拉麵個麵料足，味道好濃郁，麵質都幾好，感覺比一般拉麵好，都叫咗少鹽，但都屬偏鹹。砂鍋蒜香蒸焗星斑球東升斑球，砂窩上，上枱熱騰騰，魚肉新鮮彈牙、超滑。上湯蒜子浸菠菜苗碟菜算是滑嫩， 碟的份量適中，我家比較喜歡食菜，所以唔太夠，夾下夾下都好快食哂啦小彩蛋，原來都有些名人去食，家母好開心，但大家暗自在自己枱高興好啦，都唔好打擾人家食飯😆😆埋單 $1111，加$111.1，人均$400。

今晚亞蛇請食飯🍚,我寫得尼句就已透露左我年紀😏門面較傳統，唔緊要，我係黎食野嘅😊大蝦脆片，蝦勁大隻又爽口，味道好清新,第一道菜都已好滿意黑松露帶子，黑松露好香好香，帶子淡淡肉，第二個正。菠蘿咕嚕肉，OK la, 但有些比下去😅蒜子煮班？ 唔鬼記得食左咩🤣鮮炸生蠔，炸左都成隻手掌咁大，食落又唔乾身。鮮肉蟹蓋，賣相好味道好，好香口。豉椒花甲，好大只料好新鮮。杏汁冠燕，由於杏汁分開上，唔食杏汁味可選擇落糖水開黎食，正，啖啖冠燕😋尼餐亞蛇請食飯，好有質，多謝亞蛇😘