影片
更多
2024-10-24
185 浏览
以前成日喺将军澳海旁食泰cool，今晚为了一个返咗嚟香港几日嘅朋友，四个女仔聚一聚，拣咗去中间点嘅九龙湾呢度食饭食饭。我哋约咗6:00pm,一入到去，最初都有啲怀疑自己系咪去错地方，因为个场都几吉下。见到只系得几台客（已经包括埋出边可以同宠物一齐食嘢嘅地方。），但系如果坐低之后离开，好似有啲怪，所以我哋就打算试吓先叫个平平地既虾饼食吓，就算发觉唔对路，要走都唔会咁尴尬麻😅点知个虾饼一上枱嘅时候，我哋四个女仔「哗」咗一声！咁大件嘅！？份量都几足㖞，仲大过成只匙羹，而且都几足料，而且又好味。去到差唔多7:00pm左右见到都多咗几枱客，就谂住：算啦，都喺度食埋其他嘢啦。😆我哋四个人叫咗必食嘅菠萝炒饭、椰汁虾汤、烧猪颈肉及芒果糯米饭。烧猪颈肉我个人觉得比较干身，如果可以多啲汁嘅话会好啲。菠萝炒饭充满菠萝汁，如果可以再炒耐一阵，干身啲会更好。不过，我哋试个女仔都觉得个椰汁虾汤超好饮！而且佢只只虾都好大只，我哋每人都饮到两至三碗左右😋最后，芒果糯米饭方面，糯米饭好好食，不过个芒果好酸😖我哋四个女仔由6:00坐到夜晚10点（冇俾人赶走🤪），埋单嘅时候每人只系俾咗$123 ，超抵食！
我哋约咗6:00pm,一入到去，最初都有啲怀疑自己系咪去错地方，因为个场都几吉下。见到只系得几台客（已经包括埋出边可以同宠物一齐食嘢嘅地方。），但系如果坐低之后离开，好似有啲怪，所以我哋就打算试吓先叫个平平地既虾饼食吓，就算发觉唔对路，要走都唔会咁尴尬麻😅
点知个虾饼一上枱嘅时候，我哋四个女仔「哗」咗一声！咁大件嘅！？份量都几足㖞，仲大过成只匙羹，而且都几足料，而且又好味。去到差唔多7:00pm左右见到都多咗几枱客，就谂住：算啦，都喺度食埋其他嘢啦。😆
我哋四个人叫咗必食嘅菠萝炒饭、椰汁虾汤、烧猪颈肉及芒果糯米饭。烧猪颈肉我个人觉得比较干身，如果可以多啲汁嘅话会好啲。菠萝炒饭充满菠萝汁，如果可以再炒耐一阵，干身啲会更好。不过，我哋试个女仔都觉得个椰汁虾汤超好饮！而且佢只只虾都好大只，我哋每人都饮到两至三碗左右😋最后，芒果糯米饭方面，糯米饭好好食，不过个芒果好酸😖
我哋四个女仔由6:00坐到夜晚10点（冇俾人赶走🤪），埋单嘅时候每人只系俾咗$123 ，超抵食！
张贴
