皇御園 (已結業)

旧同事啱啱转工到九龙湾，想揾间中餐坐得舒服又泊到车，第一时间就谂起呢度，晚餐有四个钟free parking，坐耐d都唔使怕。之前lunch黎过饮几次茶，觉得质数唔错，services又好，成日想试下晚餐，今日终于有机会。头盘叫左陈皮鹅肝香煎北海道带子皇，带子超大只，完全冇谂过带子陈皮同鹅肝会咁夹。古法生炆东星斑翅，惹味又唔会过咸，东星质感细嫩，份量绝不欺场，超推荐。冰镇鲜果咕噜肉，打咭首选，一上菜即刻谂起食神，食落外脆内软，唔系净系得个样。法式慢煮蜂蜜安格斯牛肉，慢煮牛肉嫩滑，可用筷子夹开，配红酒一流。甜品叫左杨枝甘露同埋杏仁茶，keep住水准，下次人多要试下只片皮鸭，隔离枱叫左，好吸引。