皇御園 (已結業)

想同屋企人食生日饭，上网揾到呢间高级中菜餐厅，因为见好多人都唔错既评价。我地上open rice温左书，拣定几款心水𩠌，订位时问下要唔要预定，职员话𠮶几款都唔使预定，同埋好细心提醒我地几款𩠌菜嘅份粮，唔使点得太多或太少，到时食唔晒或者唔够分。我地好早到，6点就到左，虽然位处九龙湾写字楼1楼，但附近大厦都唔高，接近黄昏大厅同房都仲好光猛下。晚餐由美味嘅前菜开始，鱼子酱香煎芋丝夹，菜名已解释一切，「芋‧香」，外面香煎得好香脆，入面系浓郁嘅芋香，yum yum！好多人推介必点嘅冰镇鲜果咕噜肉做到咕噜肉外面脆卜卜，入口松脆美味，而且肉香味浓，惊喜十足。榄豉酱蒸法国海鲈鱼鱼肉质非常嫩滑多汁，我父母都话正。跟住上嘅黑蒜牛肝菌好炒牛肉，好滑又嫩，钟意食牛肉钟意中式煮法嘅朋友一定要试。有几度菜都用好有艺术感嘅装饰材料，搭配点缀。每道菜都新鲜热辣，上菜速度算是比一般酒家较快。侍应服务一流，照顾周到，好主动帮我地斟茶加水换碟等。。餐厅由门外到用餐地方的装修高级雅致，房间又有独立厕所唔使行出大厅个厕所，与亲朋好友用餐都会推介。