蝦蝦麵 (已結業)

搬来九龙城唔经唔觉，已经2年几喇…开头搬来，周围去食均各大小泰国菜馆…打边炉…但系住耐左，好自然就想食下其他嘢…近几个月，留意到呢间"Sam's noodle"，开头立眼以为又系泰国粉面店，直至有一次专登行埋去睇，先知道系马来西亚嘢。价钱绝对可接受范围之内，大部份都系几十蚊，设有午餐 (30-40蚊包饮品) / 晚餐 (有个188 2人套餐)…再者，又唔使同区外人争(等)位，普通一个人(or 3-4人) 响度开餐就最好不过。我已经来左2次，第一次系夜晚来，试左个虾虾面，汤底无味精，够虾味，材料可以接受，有晒鱼片/ 虾/ 强/ 芽菜等等…我平时食粉面，系绝少会饮个汤底，呢一次我几乎饮清咁滞…今日再去多次，3点几竟然都照比我叫午市套餐…30蚊一个福建炒油面，包热饮…来到个份量完全唔觉系午餐应有嘅份量，我意思系同平时散叫一样咁大碟…味道方面绝对ok…即叫即炒，亦唔会食到一口都系油…特别值得一赞系呢度嘅服务，够主动…(因为唔系太多客嘅缘故？)，点都好啦…我食炒面会自动问我要唔要只特色辣椒酱…见我著褛侍应本来食紧饭都自动行定去收银位等我去埋单…好赞同之前食评所讲，呢一间餐厅绝对值得大家帮衬﹗我