興隆泰國美食

营业中

休息中

帮朋友看完舖，佢带我去宵夜填补下我个食物焚化炉既空位。呢间舖头一啲都唔起眼，我行过一定唔会入去食，因为全间舖都系折台，我见佢有时仲会开到出街，一望入去全场爆满，坐到迫迫的。我同朋友去到咁岩有人走，我地坐底就叫左我爱既咖哩、蒜蓉包、生虾，我朋友每餐都要食菜，所以叫左个椰菜苗。生虾好新鲜、超爽脆，仲要系啖啖肉，我之前去过同区几间都唔够呢间既好，加埋佢哋既汁简直一流👍🏼👍🏼最令我有惊喜既系椰菜苗，真系超好味，好清爽又甜，但佢炒系多油既，不过都好好味。咖哩紧系要蒜蓉包啦！个主角变左唔系个咖哩，系个蒜蓉包👍🏼又牛油又多蒜加香喷喷，两个人前后食左两碟，如果唔系太饱一定再叫多碟😂