隆姐泰國美食館

营业中

休息中

最近同朋友去咗九龙城一间泰国餐厅～ 多嘢食拣得嚟，味道仲好正。我首先试咗个青咖喱配饭，咖喱好浓郁，唔会太稠，啲材料新鲜，淋喺饭上面一流，真系一啖接一啖停唔到口。之后叫咗个泰式拼盘，有炸虾饼、泰式春卷同炸肉丸。炸虾饼唔系𠮶啲松脆嘅口感，反而好扎实，虾味好浓。春卷又香又脆，炸肉丸有啲香料嘅味道，几特别。再嚟就系猪肉生菜包，猪肉炒得好嫩，仲可以用生菜包住嚟食，清清爽爽，又唔会觉得腻。冬阴功汤系必点，酸辣味调得啱啱好，饮完好爽口，暖胃又开胃。最后仲有个炒虾金边粉，虾好鲜甜，金边粉唔会过油，味道又香又惹味，份量仲够哂饱。