興隆泰國美食

营业中

休息中

今日心血来潮又去到九龙城食饭，本身食开𠮶间泰国菜，因为晏左入去所以无位，唯有揾过第二间。餐厅装修简单，价钱都不贵就入去试吓。金边粉，未有太大惊喜，而且配菜不是很多，下次不会再试烧牛肉，点左7 成熟，系即叫即整，但同本身想去𠮶间餐厅水准有差，牛肉两边熟嘅程度唔一样，一边系烧得刚好，中间系粉红色，但另一边烧太多肉质好韧。泰式椰菜苗偏硬，而且咸左少少，平时好钟意食椰菜苗，但系呢一道菜就有少少失望。炸虾饼，呢个都系我必点嘅菜式，份量都算多，而且每一套都好饱满，但虾肉占嘅比例少咗啲。烧鸡翼，呢度嘅串烧系要起码点3份，所以我地点左三只小鸡翼，之前食开个间系整只上， 呢度就系斩开咗，虽然方便左，但系就冇咁原汁原味。椰青不过不失，椰汁鲜甜，食到最后都系不停刮啲嘢椰肉出嚟食。理单大约$350，叫左甘多野食，价钱都唔贵，但都会去番平时食开个间。