小曼谷泰國美食 (南角道)

营业中

休息中

晚上约咗自称住喺九龙城寨嘅朋友上佢屋企睇波，去到九龙城问朋友买咩外卖，朋友叫我去南角道小曼谷泰国美食买串烧拼盘，泰式拼盘加个泰式猪颈肉炒饭可以一边睇波一边食。店员先招呼坐下等候，称食物即叫即做需时十多分钟，转眼间外卖做好，向朋友屋企进发，上楼先放好外卖，十岁的世侄女啱啱开饭，见到外卖有猪颈肉炒饭，即刻放低饭碗抢咗盒炒饭走，不到五分钟食咗半盒。咁我地睇波就食串烧同泰式拼盘，拼盘有六串不同串烧，有猪、牛、鸡肉、鸡肾、泰式腊肠、鸡全翼，串烧火喉啱啱好，唔会烧焦过火，六种串烧各有特色配秘制粒粒花生香浓沙嗲酱更正。泰式拼盘有炸虾饼、鱼饼、春卷、鸡枣，炸虾饼系必然之选外面脆皮内里啖啖虾肉，鱼饼有香草果皮味，春卷馅料系咖哩粉丝炒椰菜好惹味。最后同朋友两份食埋半盒猪颈肉炒饭，小朋友真系好识食，饭炒得好好食，猪颈肉味同炒饭融为一体，下次再约朋友去堂食，餐厅晚市堂食有每日至笋优惠只系$38蚊有指定精选菜式肯定更好。