曼谷車站

营业中

休息中

喺九龙湾想食泰国菜，于是瓹窿瓹罅嚟咗呢间街坊小店，估唔到又几有惊喜㖞，食咗个几高性价比嘅晚餐🍽️明炉乌头鱼见到隔离枱嗌呢一条明炉乌头鱼好吸引，所以我哋都嗌返一份嚟食。明炉乌头鱼有清汤或者冬荫功汤口味可以选择🐟我哋就拣咗惹味嘅冬阴功汤，除咗火炉上面嘅鱼已经有冬阴功汤之外，餐厅亦都额外俾咗一碗汤我哋，可以加上条鱼度。乌头鱼嘅肉质好实净，同酸酸辣辣嘅冬阴功汤好夹，呢个价钱就食到成条鱼真系好抵😉正宗泰式猪手冇谂过呢个无骨猪手用个煲上，咁就可以更加保温啦，慢慢食都keep住暖笠笠🐷 呢个猪手嘅调味用上咗甜酱油，微甜口味炆得好入味。呢个泰式猪手炆到腍晒，连层猪皮都系入口即溶。炸虾饼讲到食泰国菜必食嘅小食，我嘅首选会系炸虾饼🍤 呢度嘅炸虾饼几弹牙，令人食个不停。串烧半打有牛肉同埋鸡肉各3串，啱晒我哋呀，可以一次过试晒两款口味。个人就更钟意鸡肉串，因为比较嫩滑🐥 沙嗲酱嘅花生味好浓郁，真系串烧嘅绝配。无糖百事可乐最后仲嗌多个可乐开心吓🥳 真系饮到gur一声㗎🥤呢间餐厅装修仲设计到有少少火车元素，真系几特别㗎㖞😎 菜式抵食，下次想食泰菜又多个选择 。