九町屋

营业中

休息中

喺九龙湾呢头食晏昼 唔一定要去工厂区嘅楼上餐厅先揾到隐世美食✌🏻 呢日我就嚟咗得宝商场揾到呢间lunch性价比几高嘅日式餐厅😌牛肉寿喜锅寿喜烧一大锅咁上台🍲 入面有好多片牛肉 仲有娃娃菜 金菇 红萝卜 粉丝 真系非常丰富☺️ 寿喜烧仲跟一个饭 我就喺个寿喜锅一嚟到就𢳂起面头只蛋捞饭食 好彩拣咗少饭 唔系一定食唔晒🙈辛味软壳蟹煎饭 咖喱汁对煎饭系咩口感非常好奇 所以就叫咗嚟试吓佢😂 煎饭面有少少煎香 食落有少少似饭焦嘅口感🍚 入面就好软熟 食得出系日本米 软壳蟹就炸得好脆 都算几多肉吓 特别要提吓餐厅用辣蟹籽酱画咗个样出嚟 真系睇见都觉得赏心悦目🥰芥末脆鱼柳呢个系额外附上wasabi汁🤪 个炸鱼柳有成五大块 炸浆薄薄一层 咬入口鱼肉仲好嫩滑 点埋芥埋沙律酱就更正 本身以为会系冷藏嘅𠮶啲炸鱼柳手指 冇谂过竟然唔系 所以觉得好惊喜🤩饮品两杯冻饮都非常大杯 好适合夏天消暑 叫咗芒果绿茶同九町屋咖啡 特别觉得咖啡嘅咖啡味同奶嘅比例唔错 又唔会好甜🧋可能餐厅仲系新开 所以平日lunch time都未有太多人 但系佢值得更多啊 趁佢仲系隐世小店 就要过嚟支持吓啦😄