L'Eclair de Genie (已結業)

第一次食呢间既闪电泡芙时，简直惊为天人，原来泡芙系可以咁轻盈咁好味。佢既经典味道:焦糖海盐味到依家仍然系无得输。之后再陆续食其他口味包括云呢拿、朱古力、红桑莓等等，都一样可以俘虏左我既心。可惜价钱不算便宜，所以不可以日日食。近日发现左Entertainer app,呢个app内既食店可以买一送一。见到呢个app可以买闪电泡芙买一送一时，双眼即时发光。跟手买了青柠椰子味及云呢拿味。云呢拿味不用多讲，仍然保持一贯既高水准。见到咁多黑色点点，就知道用了真正既云呢拿条去做，味道天然不造作。青柠椰子味，有微微既青柠味，不太抢，又有微微既椰子味。最得意系表面有三粒椰丝棉花糖，同泡芙既质感完全唔同，但一齐食味道会好d。