赤の匠

营业中

休息中

朋友请我食生日饭，梗系要食好啲，呢间铁板烧装修得好靓，仲以为好贵，点知原来而家做紧买一送一，午餐有鲍鱼、鹅肝、大虾、牛肉、炒饭等等，几百蚊一位就有交易，真系好抵。鹅肝煎得焦香，配生果食可以解油腻，垫喺鹅肝下面𠮶块面包都咁好味。个鲍鱼系成个餐嘅主角，好生猛，仲郁的，好鲜甜又爽脆弹牙，个鲍鱼肝酱先系一绝，好想问师傅攞啖白饭，捞埋个酱食。只大虾超巨型，其他铁板烧餐厅会就咁煎虾，呢度配埋一块虾膏多士，好浓郁，好特别，就算胆固醇超标都一定要食。牛肉薄烧五成熟最啱，连伴碟嘅炸蒜片都超好味。我哋六个人，啱啱坐满一间房，餐厅楼底好高，十分舒适，抽气又好，食完唔会成身一阵味。