康蘭餅店

营业中

休息中

佛诞前到长洲行下，点都要买平安包。好唔好食系其次，最重要系攞个意头保一家平安。唔知平安包系起/发源于边间舖、亦唔知成个长洲有几多间舖/饼店有卖平安包。当日行嚟行去都只系见倒呢间饼店有平安包卖，临离开长洲前走去买咗两个个。平安包卖十蚊一个，size好似鸡球大包咁上下，价钱唔系特别贵、亦唔可以话平。有四款馅：连蓉、豆沙同黑/白蔴蓉。包嘅部份比较干同硬身，够份量，但亦会咬到好攰。黑蔴蓉好香，而且唔太甜；豆沙馅就磨得太烂，我觉得甜咗啲。个人都条比较钟意黑蔴蓉馅。饼店仲有其他包/饼食，不过当日人头涌涌都系买平安包，好难睇得真仲有咩歌式饼食，唯有下次入去再帮衬过。