Châteraisé

营业中

休息中

天水围站📍Chateraise焦糖布丁蛋糕不嬲对呢一间店舖嘅蛋糕都好欣赏，佢啲cream好滑，蛋糕口感好丰富，平时就食开士多啤梨蛋糕同埋朱古力蛋糕，今次见到佢有个焦糖布丁蛋糕又试试佢先。呢个蛋糕切落去嘅时候有少少硬硬地，唔知系咪雪得太耐，下次应该要解冻一阵先。食落口比较甜，面头𠮶层焦糖酱都几浓味，布丁几滑，不过同蛋糕配埋一齐总系有啲奇怪嘅感觉。我个人就唔太喜欢呢一种感觉，不过屋企人又觉得唔错。价钱方面我都唔太记得系几多，大概都系180左右，以呢个价钱来讲有一磅嘅蛋糕都算OK啦，好过食美心东海堂。不过下次我就唔会再叫呢个蛋糕啦，都系食返朱古力𠮶个最正。