國穗軒

营业中

休息中

星期六2點半到，要等一陣先有位，因為有下午茶時段好受歡迎。餐廳唔夠木枱，我地3個人要坐自動麻雀枱，枱身好厚好頂腳，不過太滿座無得換枱。茶具餐具都新淨，人手都足夠，但上菜偏慢。食物夠熱，味道不過不失。店員未熟悉枱號，見隔離枱有上錯餸嘅情況。我地一入坐就叫炒麵，點知漏單，問店員情況，佢即刻補單，但其實我地想取消，未問清楚就自把自為，態度欠佳。送腸粉姐姐無豉油提供，佢話人地收咗佢支豉油，我地食咗半碟才補上。問過店員，原來剛開業2個月。叫咗菜苗餃，落單後店員話賣曬，我地話ok無問題，但埋單時照收菜苗餃價錢。大家要記得對單。另外影咗啲午市時段餐牌