影片
更多
2023-02-19
2950 浏览
成日睇youtube都有人介绍，但地点问题无乜机会试，今日咁岩出开尖沙咀有野搞，搞完就黎食个晚饭吧。尖沙咀店既榕记开左唔系好耐，环境都比较新净，由于我下午5点黎到店内都唔算好多人，有张4人枱坐下，榕记除左烧味之外都仲有多款小菜同炒粉面饭选择，下午茶都仲有d特色包类，迎合唔同既客路。乳猪烧鹅饭门口见到有乳猪就叫个乳猪烧鹅饭吧，乳猪平时唔系周围有得食，就算有都未必靓，先讲讲榕记最出名既烧鹅先，今日分到既系鹅胸位，比较多肉，烧鹅暖暖地皮都算少脆，鹅肉食落都算松化带少少肥，有轻微陈皮味，不过都系加左酸梅酱会好食d，鹅黎讲系算好食但未去到好惊艳，乳猪黎讲我觉得仲好食，芝麻皮乳猪皮够脆，又唔会好肥，肉质松软无猪膻味，非常出色，饭方面算干身，加埋鹅油捞饭绝配，另外比较特别系有d咸酸菜跟埋，食肉多有d咸酸菜食下解解腻。冻柠茶饭包热饮，冻饮加3蚊，冻柠茶要少甜，都几大杯，茶味普通，叫左少甜都唔会沟太多热茶搞到溶晒d冰，而又做到又冻又真系少甜，水吧技巧都唔错。整体而言榕记既烧味果然出色，尖沙咀黎讲价钱定位唔算贵，讲真我系天水围元朗食都差不多价钱，如果我系附近返工真系会经常食，可惜今日见唔到成日网上见到既太
尖沙咀店既榕记开左唔系好耐，环境都比较新净，由于我下午5点黎到店内都唔算好多人，有张4人枱坐下，榕记除左烧味之外都仲有多款小菜同炒粉面饭选择，下午茶都仲有d特色包类，迎合唔同既客路。
乳猪烧鹅饭
门口见到有乳猪就叫个乳猪烧鹅饭吧，乳猪平时唔系周围有得食，就算有都未必靓，先讲讲榕记最出名既烧鹅先，今日分到既系鹅胸位，比较多肉，烧鹅暖暖地皮都算少脆，鹅肉食落都算松化带少少肥，有轻微陈皮味，不过都系加左酸梅酱会好食d，鹅黎讲系算好食但未去到好惊艳，乳猪黎讲我觉得仲好食，芝麻皮乳猪皮够脆，又唔会好肥，肉质松软无猪膻味，非常出色，饭方面算干身，加埋鹅油捞饭绝配，另外比较特别系有d咸酸菜跟埋，食肉多有d咸酸菜食下解解腻。
乳猪烧鹅饭
$73
396 浏览
0 赞好
0 留言
冻柠茶
饭包热饮，冻饮加3蚊，冻柠茶要少甜，都几大杯，茶味普通，叫左少甜都唔会沟太多热茶搞到溶晒d冰，而又做到又冻又真系少甜，水吧技巧都唔错。
冻柠茶
185 浏览
0 赞好
0 留言
整体而言榕记既烧味果然出色，尖沙咀黎讲价钱定位唔算贵，讲真我系天水围元朗食都差不多价钱，如果我系附近返工真系会经常食，可惜今日见唔到成日网上见到既太极师父斩烧鹅。
店员服务方面就比较参差d，今日黎睇到几位女店员既态度都比较有礼，但男店员既态度就比较傲慢少少，唔系话好差，但系傲慢左d，比人感觉唔多舒服，呢方面要留意。
张贴
