新斗記 (已結業)

最后一堂西班牙话班，大家就拣左黎新斗记作为谢师宴。呢间分店地点系铜锣湾闹市，好易揾。平日加上下雨天，得四五台客，因为我地16个人，最大既台正常只可以坐12个人，唯有坐得亲密d 。餐厅地方都好整洁，台同台唔算迫。餐厅既墙上面写左十样招牌菜，由于有人食素同对海鲜敏感，最后叫左乳猪、咕噜肉、沙姜鸡脚、黑椒牛仔骨、粟米斑块、西芹云耳银杏、琵琶豆腐等等，有d 𩠌菜有加大，有d 就叫例牌，份量都唔错。乳猪有惊喜，d 皮起晒，仲要唔肥，脆卜卜，其他𩠌菜都系热辣辣新鲜炒，落单后5-10分钟就上菜，好有效率。服务员姐姐都好有礼貌，系咁帮我地加茶。最后有甜品送，是日甜品系喳咋同红豆沙，满心欢喜有几足料既喳咋食，点知有酸味，怀疑变坏左，有d 失望，红豆沙都唔错。