沙田新強記燒鵝海鮮酒家

营业中

休息中

屋企人想食乳鸽，记得细个成日听人话强记乳鸽好正，所以去试试佢。一行四人叫左个超值乳鸽餐$350-包两只乳鸽，例牌鸡粥同金银蛋苋菜。姨个餐性价比好高。两只乳鸽！每人食到两件，好够！鸡粥真系无得输，一人食左两大碗，劲香鸡味，就算无食到鸡，净系食啖粥都劲香鸡味！重点系食完唔好好口渴，真材实料。然后再另外加左西柠鸡球，$118劲大碟，一上菜热辣辣好正。鸡球炸得好脆，炸粉又唔会太厚，每旧鸡都有啲柠檬柚子味，好香口。橄菜肉松四季豆，$108好多肉碎，炒得好有镬气。份量都唔小，好适合𩠌饭！南乳粗斋煲，$118劲大煲，食极都有，好多粉丝吸哂味，又唔会死咸！总结：屋企人都好满意，员工姐姐好好倾。服务态度又几几好，下次再同屋企人黎。