食味道小廚

营业中

休息中

朋友介绍呢一间海鲜加工，终于试咗感觉唔错，唔该除咗啲海鲜样样都整得好之外，佢自家出品嘅乳鸽好掂好好食。啲乳鸽都算大只而且炸得皮脆肉嫩，一咬开中保留咗乳鸽嘅肉汁。另外再叫咗碟椒丝腐乳通菜，呢个就正常发挥水准啦。咁多样海鲜之中加工得最正嘅系呢个蒜蓉粉丝蒸开边九节虾，佢啲蒜蓉粉丝葱花真系正有冇朋友，吸晒啲九节虾嘅香味，要嚟送饭一流。椒盐鲜鱿都做得唔错，啲金蒜炒得好香好惹味。豉椒花甲个汁都唔错。大斑两味都好食，炒球同炆班头腩都做得唔错，最欣赏去斑头腩唔会好咸。最后仲有一个杂鱼豆腐汤，滚得好甜好好味。