唐宮小聚 (荃新天地) (已結業)

约咗朋友喺荃湾行街疫情关系冇得食晚餐所以我哋决定去改食午餐，可能疫情关系午餐都唔系好算好多人，唔使排好耐队就入到，每次食唐宫小聚我地都一定要点佢嘅乳鸽必食同埋黑金流沙包，今次我哋仲叫埋其他包括有石锅鲍鱼鸡粒炒饭仲有火焰菠萝牛腩。首先讲吓只乳鸽上枱非常之热辣辣入口外皮香脆，肉质嫩滑，咸到适中，而且仲有手套湿纸巾比客人备用。另外个黑金流沙包奶味偏重，流沙效果做得唔错。火焰菠萝牛腩上枱时会点火，一路keep住温度，配饭食，食到停唔到口。最后个石锅鲍鱼鸡粒炒饭上枱仲keep到温度饭粒粒粒分明，配合鲍鱼同鸡粒非常入味。