影片
更多
2021-12-02
1027 浏览
又到咗中午唔知食咩好嘅时间，行匀附近几间餐厅都爆哂棚，结果行过呢间车仔面门口，见到人少少就决定入去试下，食完之后觉得系一个惊喜！首先，门口有一位叔叔好亲切地招呼门口徘徊嘅人(我谂佢系老板嚟)，好落力咁叫人入去食~一入到去，发现店内环境好过一般车仔面档好多，够光猛、通道够阔落，呢一点已经赢得唔少分；再之后填野食，菜单嘅字大大只，够哂清楚，成件事真系啱哂我呢啲返工已经好攰、食饭唔想再花费精神睇菜单嘅人！我嗌咗时菜、鱼饺同埋猪扒，三𩠌一米线嘅组合($35)，加$8配一杯冻朱古力(冻热、汽水同价)，总共盛惠$43！就咁睇，价钱真系好吸引，等我讲埋味道先，三个𩠌都够入味，配合清清地嘅牛腩汁汤底，味道相当唔错！野饮方面相对较为失色，可能佢撹得唔够匀循，令部分朱古力结块，无溶到落杯野饮度，加上冰块太多，而且唔系碎冰，所以呢一点要扣少少分，但整体而言，午餐味道评分高；份量方面正常，想食多啲嘅朋友可以嗌多个𩠌又或者加底！总括嚟讲，性价比相当之高，大家经过湾仔谭臣道不妨一试~
首先，门口有一位叔叔好亲切地招呼门口徘徊嘅人(我谂佢系老板嚟)，好落力咁叫人入去食~一入到去，发现店内环境好过一般车仔面档好多，够光猛、通道够阔落，呢一点已经赢得唔少分；
再之后填野食，菜单嘅字大大只，够哂清楚，成件事真系啱哂我呢啲返工已经好攰、食饭唔想再花费精神睇菜单嘅人！
我嗌咗时菜、鱼饺同埋猪扒，三𩠌一米线嘅组合($35)，加$8配一杯冻朱古力(冻热、汽水同价)，总共盛惠$43！就咁睇，价钱真系好吸引，等我讲埋味道先，三个𩠌都够入味，配合清清地嘅牛腩汁汤底，味道相当唔错！野饮方面相对较为失色，可能佢撹得唔够匀循，令部分朱古力结块，无溶到落杯野饮度，加上冰块太多，而且唔系碎冰，所以呢一点要扣少少分，但整体而言，午餐味道评分高；份量方面正常，想食多啲嘅朋友可以嗌多个𩠌又或者加底！
总括嚟讲，性价比相当之高，大家经过湾仔谭臣道不妨一试~
张贴