影片
更多
2020-09-23
347 浏览
喺Openrice订咗星期二5pm特惠场$178+10%埋单唔使二百蚊一个人、呢个时间真系冇乜人连埋我哋得三枱客！由于太冷清，员工收碟同服务都九秒九而且有礼貌。⬇️入餐厅会探体温、之后话俾你听食110分钟而完结前30分钟截单。其实时间好充足，用QR code自己喺电话落肉类海鲜甚至部份热食既Order、基本上肉类一入Order转头就已经上枱，而热食即刻炸就要等一阵！汽水甜品同埋汤加部份菜式出面可以任拎。⬇️讲返啲肉、有啲望落去好靓有啲就色水一般。我觉得最好味系厚切猪腩肉，但系好油所以佢烧𠮶阵时好抢火要小心、牛肉同埋猪肉都唔会好un而海鲜类啲虾都唔梅几好食，试咗扇贝同埋带子都唔差。⬇️热食方面非常推荐炸鱿鱼须，真系好大条好新鲜而且味道啱啱好、炸鸡就细细旧冇乜特别，韩式炸饺子就系超级市场买返嚟一包𠮶D非常一般。出面摆食物𠮶个位都有蔬菜类或者粟米肠仔比你烧、但我自己就冇攞过！有中式汤同一个好似鸡汤都饮得下，其他仲有沙律、醉鸡翼或者蟹子蟹柳苹果沙律亦都有硽青瓜等等不过就唔够浓味。甜品嘅泡芙同果挞都有试、果挞就淋既唔好食。部咖啡机初时整唔到咖啡，啲员工都会细心去Fix个问题整返好再帮你冲 ⋯ 唔会视而
⬇️
入餐厅会探体温、之后话俾你听食110分钟而完结前30分钟截单。其实时间好充足，用QR code自己喺电话落肉类海鲜甚至部份热食既Order、基本上肉类一入Order转头就已经上枱，而热食即刻炸就要等一阵！汽水甜品同埋汤加部份菜式出面可以任拎。
⬇️
讲返啲肉、有啲望落去好靓有啲就色水一般。我觉得最好味系厚切猪腩肉，但系好油所以佢烧𠮶阵时好抢火要小心、牛肉同埋猪肉都唔会好un而海鲜类啲虾都唔梅几好食，试咗扇贝同埋带子都唔差。
⬇️
热食方面非常推荐炸鱿鱼须，真系好大条好新鲜而且味道啱啱好、炸鸡就细细旧冇乜特别，韩式炸饺子就系超级市场买返嚟一包𠮶D非常一般。出面摆食物𠮶个位都有蔬菜类或者粟米肠仔比你烧、但我自己就冇攞过！有中式汤同一个好似鸡汤都饮得下，其他仲有沙律、醉鸡翼或者蟹子蟹柳苹果沙律亦都有硽青瓜等等不过就唔够浓味。
甜品嘅泡芙同果挞都有试、果挞就淋既唔好食。部咖啡机初时整唔到咖啡，啲员工都会细心去Fix个问题整返好再帮你冲 ⋯ 唔会视而不见所以服务唔错！
⬇️
⬇️
其实呢间餐厅个位置系有D奇怪、我觉得系Popcorn设计嘅问题！佢要喺一楼行去一边转电梯上黎PopFood先揾到，但系PopFood得翠园同呢间Running烧又唔系Food court、所以好多人都唔会起眼有一间韩烧。有阵时啲餐厅你经过会突然间想食，但系呢一间其实你去到Popcorn都唔知道有佢嘅存在、餐厅出面见到楼下扶手电梯 ⋯ 但系佢偏偏唔驳埋上呢一层！希望佢都做得住啦、近近地可以一试！
张贴
