Running 燒 (已結業)

Book 了6:30 ，店內沒有太多人，食飯質素ok ，只是－邊傾計一邊吃，110分鐘實在太急！店裡有水池，養住啲活蝦，每枱派一個冰桶一個夾，比你自己夾蝦，但活蝦會拼命逃脫⋯⋯

昨日星期日行完山就返將軍澳食嘢，見到呢間燒肉流水蝦放題係ig 賣曬廣告，openrice都好多好評，於是walk in入去食早場。大頭蝦數量好少，只是開放了一邊池放蝦，而且好多死蝦係池底，不過唯一可以讚的是都有不少蝦有膏，我地兩個專門選有膏的來燒。上盤的肉類就質素好差，海鮮超級不新鮮，外面自由選擇的配料都不多，擺盤無食慾，看上去好小家lol。於是我地改變策略，專攻海鮮。尤其大頭蝦，生蠔，扇貝。其他就不了。。。食左45分鐘，出面無咩蝦 以為職員會refill。點知係執起池裡面d 死蝦，預備7點果場。於是我地最後機會出去快d撈蝦。到6點就開始催我地last order，有個女職員見到我地冰桶仲有蝦，竟然話要收走個冰桶，最後我話我地還有蝦未食完先肯放低，過一陣再黎收。而且d職員隔一陣就不停催你last order，埋單，還有15分鐘，還有5分鐘，請準時交檯，好annoying，態度好差。🤨🤨🤨🤨🤨只會被第一次吸引，而且只是食早場吸引，encore和晚市不了🤪🤪我地7點走的時候，都係得3檯客出係門口等緊，星期日晚市都唔算旺場，果然一試便知龍與鳳。tips：😇回本少叫肉類，主力燒海鮮。😇可以用錫

食物尚算多元化，有多款牛肉，豬肉，雞肉選擇。唔鐘意燒烤，可以揀選已煮熟嘅食物，其中嘅椒鹽蝦，值得一吃再吃，新鮮程度比自己捉蝦嚟燒更好味。而捉活蝦燒，大人和小朋友也有得玩。加上服務員態度幾好又主動收碟，如果可以加長燒烤時間更好。

110分鐘放題，其實真係唔夠時間，已經食第二次，但實在太多好嘢食，大頭蝦超級新鮮，膏多肉鮮。其他推海鮮有鮑魚、生蠔、芝士蒜蠔、蜆、蟶子、魷魚等，全部勁新鮮，尤其鮑魚，新鮮到燒咗一陣，啲鮑魚仲郁架。蠔亦超新鮮，好有蠔味，又夠大隻。蜆亦好大隻，好鮮味。唔好以為海鮮正，啲肉就會唔掂，啲肉竟然都好掂，牛仔骨、牛脷、豬頸肉好好味，搞到都唔知食邊樣先好，飲品選擇又多，以呢個價錢嚟講超級抵食。下次一定會再嚟挑戰過，希望食物水準繼續keep到。

呢一間嘢喎，要讚一讚個炸雞。勁少燒肉店係炸雞可以整得咁好食🤤，又好難得地開喺將軍澳。不過講真啲海鮮係幾新鮮，但係好多有沙，朋友食兩隻都沙，我就好彩啲兩隻都冇沙。款式來講佢唔算係好多，但係小食係做得比較出色。燒肉新鮮嘅，不過評錢我自己覺得性價比一般。

冬至第一次去，5點入坐，7點前交檯。二百幾蚊嚟講係幾抵嘅。肉類個人覺得唔錯，海鮮就見仁見智啦。意外地覺得佢嘅水冷麵幾好味。最緊要係人唔多，又冇miss嘢食，而且上菜嘅速度都算幾快。

今日約左朋友食燒烤上openrice見到有特別時段原價再七折，所以一試~我哋食5-7:00時段 110分鐘入到去店員會講番清楚個收費你聽，同話你知嘟qr code ，選一份黎一件態度良好，指引清晰之後有個桶俾你夾蝦，之前去過其他流水蝦嘅燒烤店，啲蝦可能多但偏細隻，呢間會每個時段放啲蝦出嚟，蝦嘅size我覺得好ok燒完都係爽肉的海鮮種類多，除了現場夾蝦，有帶子，帆立貝，蠔，鮑魚，芝士蠔，蟶子，蜆可以點黎餐食物快，無漏單情況超推介呢個熟食，黃金蝦，炸到剛好唔洗自己燒，推介任食黎講，食材係高質個温泉蛋紫菜飯配燒肉係絕配飲品同雪條種類都多款兩位埋單$557 nice~~

店員態度可以講茶餐廳店員好過佢哋冇禮貌唔願意服務你 計時計左15分鐘 連燒野用具都冇 最後要自己問佢拎 放低啲嘢食 態度勁衰好快已經追你last order 明明餐廳只有幾台客 時間系九點幾十點嗱嗱臨要清潔 收工 餐廳係收11點好想趕你走 黎左3次叫你走 仲要系附近比說話你聽 話你阻住人收工七點幾去到 已經冇乜蝦咁濟 俾384食死蝦出邊放嘢食，醬料啲枱仲要系污糟 仲要見着前面枱人走咗之後 個店員執嘢將佢枱上面食剩嘅肉 叫另一位員工拎返入去見到呢個畫面，即刻聯想自己啲嘢食 😨就算係都唔好俾客人見到啦 唔係話食咩好貴嘅 始終收得 384蚊 都吾應該係咁真係冇下次

是日期待已久專登走入將軍澳食呢個流水蝦BBQ燒肉入到去就比個籃色水池吸引住未坐定已經有人拎個冰筒比你去夾蝦水池入面係有好多新鮮蝦比你夾另外仲有個自助吧可以拎蔬菜類飲品有萍果汁橙汁自由斟幾個雪柜自己拎罐裝包裝飲品🦐海鮮類/..迷你聖子、扇貝、鮑魚、美國蜆基本上我地專攻海鮮食第一轉我地用燒嘅比較乾身～第二轉用上湯煮嘅超鮮甜～第三轉用牛油爆嘅又有另一種鮮味🤤特別一提！！扇貝超級非常好食大大粒好鮮甜，唔同煮法唔同口感🤤🤤特別再提！！個新鮮鮑魚好食到喊🥲🥲我地不停落單都係呢幾樣🥩燒肉類/..相比起海鮮係比較遜色佢唔係唔好食，而係我地專注左海鮮類🤣🤣薄燒豬肉👍🏻各式牛肉👍🏻羊脾肉 （略帶羊羶味）仲有豬大腸，不過我唔食嘅🤣🍨最尾一定要食杯雪糕+椰子味雪條先至叫做食完個放題啦🤤🤤(以上食評 只屬個人意見)

喺一個優惠網站買咗9點鐘開始食嘅coupon，一去到見到個水缸好多死蝦，已經心感不妙。買coupon嗰陣明明寫住可以食110分鐘，入座時女職員都講到明喺夠鐘前30分鐘就會截單，但我哋食咗只係一個鐘(當時大約22:05)，已經有女職員行埋嚟話22:15就會last order，要落單就快啲落，我心諗有冇搞錯咁快就last order？於是我立即用手機落咗一堆肉類嘅order，過咗10-15分鐘都唔見啲肉嚟，於是問下另一個男職員，佢竟然話廚房入面已經收哂工，但明明係你哋個女職員22:05叫人落last order，點解可以未做哂啲order就收工咁無賴？之後我望下手機個order，原來已經被取消，好明顯係餐廳職員鬼鬼鼠鼠取消咗我嘅last order然後收工走人。成間餐廳最有效率就係催你埋單同埋催你走，我啲食物都未食哂，亦未過110分鐘時限，但餐廳職員已經催咗兩次。好心搞得任燒任食就唔好咁小家，cut人order仲要瘋狂催人走，想準時收舖就唔好搞9點鐘嘅時段，完全係一個騙局。

一入到去已經黑口黑面講落單程序，之後成日走黎講你地仲有幾多分鐘食，總之就催到你食到趕頭趕命，將枱又唔係大，又唔收走啲碟，黎野食無位擺又黑面拎住碟野竟然叫個客拎住碟野自己就走咗去，食一餐會催你4次仲有幾耐交枱，但出面又無人等枱，仲要幾將吉枱，我地都戴晒口罩執緊野準備走，都未離開職員就走黎執枱唔緊要，但勁老土，係客人面前將啲碟疊高澎澎聲啲汁彈到我件衫都係一啲歉意都無極無禮貌！啲野食一般啦，唔差既，但絕對唔會再去呢間野囉！

之前跟老婆同親戚食過一次, 當時係食套餐；今次再跟佢哋去係食放題！當日10月8號下午1時準時去到餐廳入場時發生了問題, 原來係外母忘記帶我老婆嘅侄仔(5-11歲之間)嘅針紙. 而正因為由9月30號開始, 有關年歲兒童都要有有效針紙先可以入去食, 如是者搞咗半個鐘後先至可以入場；但當時有位男職員表示唔可以補時, 似乎有啲不近人情；而佢亦有耐心解釋有關防疫規例！過往食放題時, 從未試過預先捉蝦, 感到新奇, 有啲蝦好生猛, 但都被我捉到！雖然屋企附近曾經有釣蝦場, 但從未去過！餐廳嘅前菜, 例如泡菜及芽菜, 海鮮及肉類應有盡有, 例如我最鍾意食嘅蝦、芝士蠔同埋羊肉！亦都有我鍾意嘅樽裝馬蹄露、雪梨水同埋雪條！正因受上述事件影響, 臨尾食得趕頭趕命, 僅僅夠時間食完！餐廳服務水平尚可, 我仍大有機會再幫襯！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️Running 燒 #將軍澳 #popcorn海鮮放題任食BBQ tap now買有晚市$278/one去到要另外比原價加一$34.8/one🫠最吸引係有個海鮮池 入邊大頭蝦任夾 宜家先知原來蝦一驚起上嚟 係會向後彈 因為一路夾一路彈 搞到忍唔住失聲大叫好食又好玩 非常生猛 仲要好多隻都有蝦膏海洋類有以下：帶子，扇貝，咖喱魷魚鬚，魷魚圈，沙白，美國灰蜆，鮑魚，生蠔，蒜蓉芝士生蠔，蟶子當日冇食：龍脷魚片，鯖魚大部分都好新鮮 同埋冇乜沙肉類就有以下：牛肉：醬汁牛五花肉，烤肥牛，一口牛脷粒，雪花牛仔肉，西施牛肉片，牛肋骨，牛柳片，牛柳粒豬肉：原味豬頸肉，辣味豬頸肉，厚切豬腩肉，豬大腸，黑豚豬肉，五花腩，辣味五花肉，豬梅肉，豬耳雞肉：雞翼，雞腎，調味雞肉，辣味雞肉，醬醃春雞髀，青陽辣雞粒，青陽辣雞腎羊肉：羊髀肉，香草羊西冷香腸：雞肉腸，芝士腸蔬菜：冬菇，杏鮑菇，南瓜，茄子，青椒，金菇菜，生菜籃主食：水冷麵，韓式湯烏冬，韓式辛辣麵，溫泉蛋香蔥紫菜飯，年糕湯，白飯小食：原味炸雞，柚子味炸雞，噴火炸雞，韓式炸餃子，炸魷魚鬚甜品：雀巢雪糕杯，Drever

得嗰110分鐘… 燒咗兩轉蝦同肉就話手機order 仲有10分鐘… 過多10分鐘又叫你埋單先… 之後就話夠鐘… 成餐飯唔enjoy… 得個趕字… 😤😤😤嘢食種類唔多，啲肉厚身就硬、薄嘅好少少，但燒薄肉無咩意思吖。。。😤😤蝦🦐量少之餘好多都好細隻。。。蟶子唔新鮮、得鮑魚比較ok … 😤😤

琴晚去食9點鐘放題，第一輪落單叫咗大約10幾款嘢，半個鐘先嚟得一盤肉，大約得6款，九個字後嚟得8樣，已經估到係漏單，惟有再加單。差唔多10點就走嚟話截數，再落單，先一次過上啲嘢食，但依然係唔齊。最後個半鐘淨係食咗兩盤嘢食，超唔抵食叫你埋單就快手快腳，出嘢食就龜速。全程見得3-4個員工，就菜就靠部智能機出，最後漏咗碗麵同佢講就叫你下次早啲同佢哋講。唔夠人手好心就唔好做咁多枱客。超差嘅體驗，真心唔建議去試