影片
更多
2021-05-31
7560 浏览
有条友仔专登开车送我去铜锣湾话食好嘢，点知去到见到系『韩和』一睇就知道系汉阳苑𠮶Friend喇，我即刻O嘴话要走喇！大佬，香港岛大把嘢食仲咩嘢要食呢个吖？但朋友话好肚饿，坚持话要食，唔想再周围走等位嘅情况下，我屈服咗！任食任烧任饮，收费大约系$188-。环境出奇地大，亦都出奇地干净。就算系四人雅座都系属于好宽松嘅。食物大致上分为：炸物、水果、甜品、前菜沙律、熟食、汤品、寿司剌身及烧烤区。炸物区都有几多嘢食：有年糕、海鲜煎饼、多春鱼、天妇罗等等。寿司剌身只有两款卷物、火炙三文鱼及三文鱼寿司。唔使睇啦百几蚊消费系得一款三文鱼剌身，不过好肯定都几肥美，而且都补得好快，一定够食。前菜沙律水果区唔介绍喇，都系𠮶啲基本野。当日见好多台嘅食客呢，大部份都唔系香港人，个个都好食得㗎。全部都夹一盘盘西瓜🍉、橙🍊、菠萝🍍。见啲人食完一盘有一盘真系好鬼夸张！甜品有绿豆沙及豆腐花，原本都想试下豆腐花嘅，但系真系食得太饱，我放弃咗。汤品有三款：中式老火汤、人参鸡汤、韩国海鲜辣汤。 人参鸡汤好好饮，我差唔多饮咗四碗。热盘就唔系好多款，大约只有5款，比较特色啲又好食嘅就
任食任烧任饮，收费大约系$188-。环境出奇地大，亦都出奇地干净。就算系四人雅座都系属于好宽松嘅。食物大致上分为：炸物、水果、甜品、前菜沙律、熟食、汤品、寿司剌身及烧烤区。
炸物区都有几多嘢食：有年糕、海鲜煎饼、多春鱼、天妇罗等等。
寿司剌身只有两款卷物、火炙三文鱼及三文鱼寿司。唔使睇啦百几蚊消费系得一款三文鱼剌身，不过好肯定都几肥美，而且都补得好快，一定够食。
前菜沙律水果区唔介绍喇，都系𠮶啲基本野。当日见好多台嘅食客呢，大部份都唔系香港人，个个都好食得㗎。全部都夹一盘盘西瓜🍉、橙🍊、菠萝🍍。见啲人食完一盘有一盘真系好鬼夸张！
甜品有绿豆沙及豆腐花，原本都想试下豆腐花嘅，但系真系食得太饱，我放弃咗。
汤品有三款：中式老火汤、人参鸡汤、韩国海鲜辣汤。 人参鸡汤好好饮，我差唔多饮咗四碗。
热盘就唔系好多款，大约只有5款，比较特色啲又好食嘅就系韩国炒粉丝及传统嘅猪脚姜。由于我唔食猪脚姜嘅，所以我唔知道好唔好食，但系我见我朋友食咗几碗，你可能真系好钟情呢样嘢食。
主食就同汉阳苑一样，有牛有猪有鸡有牛舌有鱿鱼有墨鱼有鸡肾有鱼有菇有菜有年糕。牛类就特别多，净系牛仔骨都有两款，味道都唔同。其实食物质素系唔差嘅，我都食咗好多唔同嘅牛。
其实百几蚊都真系几抵食，不过因为汉阳苑嘅阴影，所以会抗拒都唔奇！想平平哋食餐饱饱哋嘅，呢个都系一个好选择！
张贴
