金銘潮州粉麵餐廳

营业中

休息中

今日过开骏发花园做嘢，谂住求其食，见呢间粉面舖咁大间又几骨子，所以就入去试试。见佢哋主打牛什同鱼蛋，不过真系食唔到两样，咁啱又见佢哋有个牛六宝，入面包括牛腩、牛筋、金钱肚、沙瓜、牛肠同牛膀，有牛腩又有牛什，所以就叫咗呢个。呢个牛六宝可以㨂汤面捞面都得，不过我就想试食捞面。捞面可以㨂幼或粗，可以腩汁或蚝油。个面上枱好靓仔吓，吓一吓，有喜出望外嘅感觉。牛腩唔系特别出色，中规中矩。牛什几好，都入味。量嚟讲算几多，我差啲食唔晒。不过捞面都60蚊，我觉得可以接受，总比𠮶啲话自己出名收到好贵但量同质都唔好。不过最令人感到惊喜系个汤底。好少粉面舖个汤咁有心机，用猪骨同鱼骨整，系几好饮。大家嚟可以试番佢地个汤面。奶茶就麻麻地，太重奶味唔够茶味。