了不起 (已結業)

了不起水果翡翠（$36）入面果肉有热情果、苹果、红心芭乐同芦荟（第一次饮有原粒芦荟嘅水果茶！微甜带爽嘅芦荟令水果茶嘅口感更丰富。）。生果已经切成细粒，唔使好似其他水果茶店咁要等最后揭开盖先食到生果。水果茶亦唔会太甜，系健康又清新嘅味道，唔会饮到好假嘅糖水味。黑糖珍珠奶茶（$25）珍珠口感相比其他嘅台式饮品店更烟韧同有味，红茶底茶味浓厚。奶盖翡翠（$30）上面嘅海盐芝士粒粒奶盖系由原条cream cheese制成，所以你会饮到一粒粒嘅芝士同好浓而且好厚嘅奶盖（竟然饮到最底仲有奶盖！）。芝士奶盖加茶嘅味道几新奇，虽然有芝士，但同茉莉花绿茶一齐饮就balance翻唔会过咸或过腻，有种好神奇嘅吸引力令你一直饮落去。