影片
更多
2023-08-15
817 浏览
今次用餐体验一般，用餐时间系3小时，6:30-9:30，餐厅6:28分先开门放人入场。事实上冇 kol 介绍咁丰盛，冷盘海鲜上根本冇大扇贝，蒸鱼系亦未见过有出，蟹脚偏细同略咸。服务亦一般，层层叠咗差唔多半个钟先有人收吓碟。轮候分派海鲜好坏参半，好嘅系唔使同人抢，唔会比人扫晒冇得食，唔好嘅系排到你都未必攞到你想食嘅海鲜，如蒜蓉蒸海鲜系最受欢迎，好快就分派完，攞唔攞到要睇缘份，唔系排就有，排到自己冇想要嘅可留守区等，但唔知等几耐，个人觉得拎个长碟连续排几转，食到扇贝，圣子，贵妃蚌之类海鲜嘅机会会大啲。热薰同沙律区只有刚进场反应热烈，然后都去咗排海鲜， bbq 区某几款食物长期光碟状况，原因系出品慢数量小。至于味道方面：饮品﹣宾治同桃茶这些特饮试完一啖就唔会饮第二啖，都系汽水同茶稳妥。热薰﹣冇食因为都在排海鲜 XD 沙律区﹣火腿同沙律菜都 ok,菜系精神嘅。 bbq 区﹣鸡串同菠萝较好食，小墨鱼同虾一般有乜味试过就算。海鲜区﹣新鲜海鲜系全场焦点，每人每次限两件可不同款，不论是炒还是蒸都好美味，最钟意系避风塘好香口惹味，但唔知点解龙虾只有尾端，完全唔见有虾身。冷盘海鲜可忽略。汤﹣每客一个可选中
事实上冇 kol 介绍咁丰盛，冷盘海鲜上根本冇大扇贝，蒸鱼系亦未见过有出，蟹脚偏细同略咸。服务亦一般，层层叠咗差唔多半个钟先有人收吓碟。轮候分派海鲜好坏参半，好嘅系唔使同人抢，唔会比人扫晒冇得食，唔好嘅系排到你都未必攞到你想食嘅海鲜，如蒜蓉蒸海鲜系最受欢迎，好快就分派完，攞唔攞到要睇缘份，唔系排就有，排到自己冇想要嘅可留守区等，但唔知等几耐，个人觉得拎个长碟连续排几转，食到扇贝，圣子，贵妃蚌之类海鲜嘅机会会大啲。热薰同沙律区只有刚进场反应热烈，然后都去咗排海鲜， bbq 区某几款食物长期光碟状况，原因系出品慢数量小。
至于味道方面：
饮品﹣宾治同桃茶这些特饮试完一啖就唔会饮第二啖，都系汽水同茶稳妥。
热薰﹣冇食因为都在排海鲜 XD
沙律区﹣火腿同沙律菜都 ok,菜系精神嘅。
bbq 区﹣鸡串同菠萝较好食，小墨鱼同虾一般有乜味试过就算。
海鲜区﹣新鲜海鲜系全场焦点，每人每次限两件可不同款，不论是炒还是蒸都好美味，最钟意系避风塘好香口惹味，但唔知点解龙虾只有尾端，完全唔见有虾身。冷盘海鲜可忽略。
汤﹣每客一个可选中或西汤，我拣左中式炖汤味道 ok 唔错嘅。
肉类﹣片皮鸭、烧牛肉、羊扒一般唔算好食又唔难食试过就算。
粥麺﹣系有活虾，但水箱啲水好浑浊就冇试。刺身﹣我忘记咗呢个区嘅存在。
甜品﹣拎左两件都死甜，都系雪糕稳妥。爆谷还可以，鸡蛋仔略脆，但冇鸡蛋仔香。
总结：新鲜海鲜系几好食，厨师煮得好，以呢个价嘅自助餐能食到鲜味的确唔常见，但新鲜海鲜只供应到8:30前就停，想食多几款真系要密密排同等......所以后来现像系啲人只排海鲜，其他区变得冷清。以五百多一位算可以 ,但整晚都在轮迥，第一次食自助餐系由头排到尾，由于轮流转款关系，明明眼见仲有几只数过应该攞得到，点知有啲家长排排吓会突然多咗个小朋友埋嚟拎多碟，然后又不幸地前面果位又话要同款两只，于是我就排了个寂寞，真系未到最后一刻都唔知自己排紧乜，像我老公每次出去都系攞到炒海鲜，然后经理同我老公讲：咦～你都几钟意食炒海鲜㖞，然后老公无奈笑说：唔系我钟意食，系根本蒸海鲜轮不到我，每次排到我就冇晒 =v=
$585
14 浏览
0 赞好
0 留言
张贴
