影片
更多
2010-12-12
18 浏览
10-12-2010久闻呢度与新加坡 Chatterbox 的渊源, 朋友又话上两星期 lunch 试了呢度的海南鸡饭觉得「真系好好食」, 是日晚饭带了我上嚟试试. 2 人约 7:00pm 嚟到, 竟然完全唔使等位, cf. 某星期日 12:30pm 门口超多 10 人的人龙 坐低先嚟一台一小碟渍番石榴, 食落算爽脆, 不过渍得劲酸, 食了一粒就放弃了.主食当然一人一海南鸡饭 ($88), 朋友仲加 $10 转了鸡脾, 整体我觉得唔差, 但好好食就一定唔系; 朋友则食到「妈妈声」,「上次好食好多啰」, 睇嚟质素几唔稳定? :-油饭 / 鸡汁饭: 唔算好「油」, 不过够晒香的, 而且食落偏干身及硬身几啱我, 都几好食 -- 虽然尖东𠮶间 (http://www.openrice.com/restaurant/commentdetail.htm?commentid=2114577) 的油饭好食过佢好多. 海南鸡: 专登要「普通版」(i.e. 鸡胸) 睇睇佢的浸鸡手势如何, 鸡胸就浸得算滑, 但食落又有点实, 果然系白肉; 鸡皮则太厚, 又黐住一旧旧肥油, 食落同「爽滑」2 字完全无关
10-12-2010
久闻呢度与新加坡 Chatterbox 的渊源, 朋友又话上两星期 lunch 试了呢度的海南鸡饭觉得「真系好好食」, 是日晚饭带了我上嚟试试. 2 人约 7:00pm 嚟到, 竟然完全唔使等位, cf. 某星期日 12:30pm 门口超多 10 人的人龙
坐低先嚟一台一小碟渍番石榴, 食落算爽脆, 不过渍得劲酸, 食了一粒就放弃了.
主食当然一人一海南鸡饭 ($88), 朋友仲加 $10 转了鸡脾, 整体我觉得唔差, 但好好食就一定唔系; 朋友则食到「妈妈声」,「上次好食好多啰」, 睇嚟质素几唔稳定? :-
油饭 / 鸡汁饭: 唔算好「油」, 不过够晒香的, 而且食落偏干身及硬身几啱我, 都几好食 -- 虽然尖东𠮶间 (http://www.openrice.com/restaurant/commentdetail.htm?commentid=2114577) 的油饭好食过佢好多.
海南鸡: 专登要「普通版」(i.e. 鸡胸) 睇睇佢的浸鸡手势如何, 鸡胸就浸得算滑, 但食落又有点实, 果然系白肉; 鸡皮则太厚, 又黐住一旧旧肥油, 食落同「爽滑」2 字完全无关系. 不过朋友的鸡脾亦唔好咗去, 鸡皮较薄肉又够滑系真的, 不过 serve 前似乎放得太耐了吧, 鸡件竟然几干身, 但表层又有一层黐笠笠, 疑似「琼」了的鸡油, 谂返起其实都有点恶心...
旁边用嚟蘸鸡的三色酱就以黑酱油最好食, 杰身度刚好, 味道则够晒香浓, 咸 vs 甜比例刚好, 正 酸辣汁就多辣少酸, 不过亦香, 够晒惹味的; 姜茸亦真材实料, 不过其实有前两者我已觉得好够了.
配角清鸡汤反而几讨好, 味道清鲜而不寡, 饮完亦无口渴, 不过再热一点会更好.
菜就系菜心, 份量多, 不过全数硬掘掘冻冰冰又有渣, 都几难吃.
埋单每人 $100 左右, 有点失望 (朋友直程食到几乎拍台!), 应该唔会再来了.
张贴
