悅翠小廚 (已結業)

星期六睇三点三既戏，但起身已经一点，拿拿临换衫出门。两点去到沙田，要食返D野先去睇戏，当时新城市底层既食肆几乎间间都要等位，行到差唔多尽头，见悦翠无人排队，于是就决定食佢，唔驶等位就可以入去了 (有d人好似想等下午茶)。门口个姐姐用耳机同入门既同事话「两位xx号台」，令我地以为有人带位，但入到去根本无人理我地，又唔知边张台打边张台，一路行，问个侍应xx号台系边，佢话前面近门口……其实唔系好肚饿，只系想揾野摄摄肚，而且因为赶住出九龙塘，所以我地决定叫个粉或饭share就算。悦翠既前菜、小食、小茶、汤羹、粉饭、点品选择都十分多，最后我地只系叫左一个$92既明太子海鲜炒饭。个饭卖相都唔错，不过食落就唔对路。事关佢个明太子，只系炒熟左既蟹子，明太子唔系有辣味既鱼子咩？？？如果佢只系配角，问题都唔大，但作为菜名一部份，我觉得有点货不对辨，因为我期望系有d辣味。。。。。个炒饭色水几好，但唔够干身。比较好既系带子同虾，份量都算多，而且系略为煎过的，带子有入口即溶既感觉。今次只系食左一样野，感觉相当一般，不过见到佢间餐厅咁多笑脸希，望下次试多几样见佢真章啦。