影片
更多
2016-10-16
1020 浏览
Espuma湾仔店从未到访过，不过，近日睇见食友嘅食评，知道店家新推出咗个2人晚市套餐，内容丰富，话就话喺二人餐，睇其份量，唔喺咩大胃王或大食懒嘅话，相信都够晒三个人食。再者，佢哋啲咖啡一向都好唔错，又可以叹番杯！餐厅晌QRE Plaza占全层，地方阔落，以木系为主，衬以柔和灯光，所以，让人有份悠然嘅感觉，用餐气氛暖和。被安排坐晌卡位之上，阔落舒服。先概略介绍一下个2人晚市套餐，包括头盘两客（4拣2）、餐汤两客、主菜两客（4拣2，或加$200升级为海鲜西班牙炒饭）、甜品一客及餐饮两杯，餐饮更可以拣红香餐酒或有气酒添，定价$588 + 10%。原来，依个餐只限湾仔店，且只有星期一至四及星期日晚上供应。头盘嘅4款选择分别喺西班牙黑毛猪火腿配西班牙蕃茄酱及多士、精选沙律、炸虎虾天妇罗及秘制酱汁烤鸡中翼。Espuma主打西班牙嘢，个西班牙黑毛猪火腿自不然成为首选啦，而沙律够健康，又可以开开胃，成为我哋嘅头盘次选。西班牙黑毛猪火腿配西班牙番茄酱及多士果然岂止二人餐份量，睇睇个黑毛猪火腿，每样都足6件，方便我哋分，仲以蕃茄及沙律菜做伴菜。先净食黑毛猪火腿，卷成条状，入口充满油香，味道咸鲜不俗；再试
餐厅晌QRE Plaza占全层，地方阔落，以木系为主，衬以柔和灯光，所以，让人有份悠然嘅感觉，用餐气氛暖和。被安排坐晌卡位之上，阔落舒服。
先概略介绍一下个2人晚市套餐，包括头盘两客（4拣2）、餐汤两客、主菜两客（4拣2，或加$200升级为海鲜西班牙炒饭）、甜品一客及餐饮两杯，餐饮更可以拣红香餐酒或有气酒添，定价$588 + 10%。原来，依个餐只限湾仔店，且只有星期一至四及星期日晚上供应。
头盘嘅4款选择分别喺西班牙黑毛猪火腿配西班牙蕃茄酱及多士、精选沙律、炸虎虾天妇罗及秘制酱汁烤鸡中翼。Espuma主打西班牙嘢，个西班牙黑毛猪火腿自不然成为首选啦，而沙律够健康，又可以开开胃，成为我哋嘅头盘次选。
西班牙黑毛猪火腿配西班牙番茄酱及多士果然岂止二人餐份量，睇睇个黑毛猪火腿，每样都足6件，方便我哋分，仲以蕃茄及沙律菜做伴菜。先净食黑毛猪火腿，卷成条状，入口充满油香，味道咸鲜不俗；再试试蕃茄莎莎配多士，多士好脆口，蕃茄莎莎酸香鲜活，好有清爽感；之后，再以黑毛猪火腿夹蕃茄莎莎配多士，一口过干掉，油香与酸香交融，感觉够特别。
西班牙黑毛猪火腿配西班牙番茄酱及多士
25 浏览
0 赞好
0 留言
精选沙律无谂过会咁大堆头，以为叫精选都喺挂个名，但晌新鲜嘅沙律菜中加入车厘茄、烟三文鱼、黑白芝麻吞拿鱼、鸡蛋……等等，睇落十分丰富。沙律菜只喺以橄榄油捞匀，略嫌单调少少，但入口爽脆，味道则主要靠其他食材提升，吞拿鱼鲜甜好食，因为加上黑白芝麻。
餐汤有两款：杂菌汤或干邑龙虾汤，相信绝大部人都会拣晒两款，既费事烦，又可以试晒。
杂菌汤初时以为喺一般常见𠮶类忌廉汤，但原来唔喺，唔止以杂菌碎打成，汤内仲有好多杂菌粒，所以，称得上喺菌香扑鼻，不过，口感就唔喺以滑溜为主，反以香味取胜。配上一小件蒜香十足，香脆可口嘅法包，单喺个汤都好易让人有少许饱肚感。
干邑龙虾汤个汤轻易饮得出浓郁嘅虾味，而且，内里有三数粒龙虾肉，成份无欺场。不过，仍有改善空间，就喺个汤有少少偏咸，而且，质感滑就滑，但杰身咗啲，调稀少许就一流嘞。
主菜方面，4拣2之选，包括黑松露酱炒鲜杂菌宽条面、酥炸软壳蟹椰汁烩饭、西班牙黑毛猪薄饼、海鲜香辣橄榄蒜片意大利面；又或可以+$200转为2人分量嘅海鲜西班牙炒饭。朋友知小弟心意，就喺一定拣意式烩饭，另外，再选上意菜经典之一香辣橄榄蒜片意大利面。顺便讲讲服务，不时添水依啲喺基本，侍应有礼又快手，而已，店内侍应足，唔会叫极都无人理，再者，无论上头盘、餐汤，抑或主菜都喺同步，唔会相隔好耐前后脚，更逐类逐类上，唔会堆到一枱都喺又头盘，又汤，非常贴心。
酥炸软壳蟹椰汁烩饭只软壳蟹又几大只㖞，唔似食手卷𠮶啲细细只，酥炸处理得唔错，酥香却不油腻。至于带有东南亚风嘅意式烩饭，上枱已闻到椰香，饭粒食落烟韧，属水准之内，如果下多少少椰奶，做得再湿润啲，个人觉得效果更好。
海鲜香辣橄榄蒜片意大利面唔止个烩饭份量足，碟意大利面亦不少，其实食到依度都8成饱，个二人餐绝对够三个人食。讲番个意粉，睇见成只红椒仔，入口果然辣劲百份百，蒜香又十足，面条口感啱啱好，有咬口，落海鲜料嘅份量亦唔手软，有鲜虾、青口、墨鱼仔，质素唔错；唯一美中不足喺橄榄油落得少，个粉食落感觉较干身，有啲似港式嘅炒意粉。
最后，喺甜品登场，一喺就每日精选窝夫，一喺就奥利奥曲奇意大利芝士饼，写到明「拣一」，而朋友唔钟意太重芝士味嘅嘢，所以就拣前者，但一嚟就嚟两份窝夫，真喺估佢唔到添。
每日精选窝夫贯彻抵食夹大件嘅作风，份甜品都无迤做，卖相花过心思，唔喺就咁得件窝夫，仲有一球朱古力雪糕配脆口雪糕筒，件窝夫又加有Oreo 夹心饼同班尼士朱古力饼，但啲吉士酱就做得麻麻，太杰挞挞，幸而窝夫脆身又有蛋香，沾点云呢嗱酱仲好食啲，班尼士亦都湿润香浓好味。
即磨咖啡Espuma卖嘅喺咖啡一向不俗，自家烘焙嘅西班牙咖啡豆，做成即磨咖啡，味道会较甘苦，小弟就喜欢加多少少奶。而啲奶唔单止热过嚟，仲喺打起咗少许奶泡，真有心。
个二人餐如果两个人嚟食，应该食唔得晒要打包走，三个人就啱啱好，围起上嚟就变咗每人二百多，唔嘥嘢之余仲划算好多。
张贴
