時代冰室 (公主大廈) (已結業)

每日放工之后，最开心就系见到M佬，同佢食餐晚饭，闲话家常，或者讲吓当日喺公司发生过嘅趣事，过一个简简单单嘅二人世界。今日M佬话想食吓小菜，叫𩠌食饭，所以嚟到屋企附近，位于炮台山嘅时代冰室。呢到食物选择多，小菜、铁板、焗饭、常餐、泰式等等都有，选择困难症嘅字母粉实好困扰啦！泰式一口炸虾饼炒虾饼即叫即炸，够晒热辣辣。虾饼香脆弹牙，加埋泰式辣酱就非常惹味。但就略嫌虾饼比较薄身，口感一般。古法咸香沙姜鸡（半只）沙姜鸡咸香十足，而且预先起骨(除咗鸡中翼同鸡翼尖)，食嘅时候啖啖肉，够晒方便！但就略嫌鸡比较细只。鱼香茄子煲讲到捞饭又点少得鱼香茄子煲呢？上枱嘅时候，个煲仲系滋滋声，够晒热辣辣！咸鱼系呢个煲嘅灵魂，咸香味浓，茄子非常入味！虫草花上汤浸娃娃菜可以加配嘅虫草花上汤浸娃娃菜，味道清淡，带有淡淡嘅虫草花鲜甜味。王牌豉汁蒸仓鱼仓鱼即叫即蒸，所以要俾啲耐性。仓鱼嘅蒸煮时间啱啱好，所以肉质嫩滑，而重点当然系同仓鱼最夹嘅鼓汁啦，相当惹味。