牛涮鍋

营业中

休息中

打边炉为了可以食耐少少，唔洗比人赶走又可以揾到个地方落脚倾计。平时平平地会去吉野家，但今次系庆祝生日当然要揾间好少少既。以前都试过食旺角个间，但个间经常都好多人排所以都相对比较嘈。黄埔依间比较静，两个人橕枱脚依间相对上会适合少少。依间本身都系sell牛，所以牛肉都唔错。但牛涮锅既特别系汤底上，有一个好特别既寿喜烧汤底，不过唔够胆试。而佢既打边炉材料都同酒楼有少少唔同，例如芝士丸系炸鱼蛋入面有芝士，而且食物款式唔算少同埋都算既新鲜。而饮品上面，唔止有汽水，仲有提子汁。最特别甜品，有泡芙，仲可以自制雪糕。大致上，环境适合二人世界，食物都唔错，侍应既服务态度都几好，会定时收盘走。